Juan 8:17 - Manobo Western Bukidnon

¹⁷ Duen insurat diyà te kesug̵uan niw he edhenduen te, ‘Egkeserig̵an is kebpenistig̵us te zezuwa emun egkeuyun.’

Juan 8:17 Кръстосани препратки

Mateo 18:16

Iyan, ke kenà ebpekidhusayà, peng-ehè ka te sevaha, ne emun kenà, ne zezuwa pa he tumutuu su wey mepirmahi zutun te zezuwa, emun kenà, ne tetelu haazà is kebitiyara niw.

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Juan 15:25

Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

2 Kurintu 13:1

Iketelu en heini te kebpenumbaley ku ziyan. Ke zuen etew he ebpehusey kedì ne zuen idsumbunga zin te zuma zin he tumutuu, kinahanglan he ebentayan ta is sug̵ù diyà te insurat he Lalag te Megbevayà he edhenduen te, “Ke zuen idsumbunga niw te zuma niw kinahanglan he edtistig̵usan te menge tetelu ne emun kenà ne menge zezuwa he etew.”

Gelasya 3:24

Nehimu zaan is kesug̵uan he iring te ed-uyamu he iyan ebayàbayà kenitew te iring te menge vatà taman dà te kebpekeuma ni Kristu su wey, ke ebpekeuma si Kristu, meisip kiw te Megbevayà he metazeng pinaag̵i te kedtuu tew kandin.

Gelasya 4:21

Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Hibriyuhanen 10:28

Su is minsan hentei zengan he wazè din tehuza is kesug̵uan he imbilinbilin ni Moises, emun edtistig̵usan heini te minsan tetelu wey ke zezuwa ve he tistig̵us, ne kenà egkehizuwan, kekenà, edhimetayan sikandin.

1 Juan 5:9

Egkevenaran ki te kebpenistig̵us te menge etew zà duen, iyan, lavew pa he mezesen is kebpenistig̵us te Megbevayà ne midtistig̵usan din he Anak din si Jesus.

Impezayag 11:3

Ne edsug̵uen ku zutun is dezuwa he ibpewali ku. Egkukumbalà sikandan te manggad he saku ne ebpenudtulen dan is ibpekag̵i kandan te Megbevayà seled te nengkelibu wey zezuwa he g̵atus wey keneman he andew.”