Juan 8:15 - Manobo Western Bukidnon

¹⁵ Emun edsusi kew te ulaula te etew, kenà egkeserig̵an is kedhukum niw, su pinaag̵i te kelibutanen dà he isip is kedhukum niw. Siak, kenà a edhukum te minsan hentei.

Juan 8:15 Кръстосани препратки

Lucas 12:14

Ne midtavak si Jesus te, “Wazè ku kelavet keniyan su kenà a iyan edhusey keniyu.”

Juan 12:47

Ne ke zuen etew he nezineg din heini is menge penurù ku ne kenè din edtumanen, kenè ku sikandin edhukuman te silut su wazà a medhendini te kelibutan wey ku mesiluti is menusiyà, kekenà, wey ku melibri te silut is menusiyà.

Juan 18:36

Ne midtavak si Jesus te, “Is keg̵ehem ku te kedhadì, kenà dini ebpuun te kelibutan. Su ke zini ebpuun mibpekidtebek en geina is menge sakup ku wey a kenà mezakep te menge Hudiyu, iyan, kenà dini te kelibutan ebpuun is keg̵ehem ku te kedhadì.”

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Juan 7:24

Kenè niw isipa he mezaat is ulaula te etew emun wazè niw pa mesusi, kekenà, susiya niw is ulaula zin su wey niw metueni is hustu.”

Juan 8:11

Ne midtavak sikan is bahi te, “Wazè en, su migenat dan en.” Ne migkag̵i si Jesus te, “Siak, kenà a zaan edhukum kenikew te kemetayen. Ulì ke en ne kenè kad maan mebaal te mezaat.”

Ruma 2:1

Netuenan ta he utew metazeng is idsiluti te Megbevayà te menge etew he ed-ulaula te menge mezaat he iring kayi, iyan, sikew is egkag̵i he utew mezaat heini is menge ulaula kayi te menge etew, wazè nu zaan kebpekeg̵awas su edsudien nu is mezaat he ulaula te zuma, iyan, mezaat daan is ed-ul-ulahan nu. Ne tenged kayi zutun te kedsudia nu kandin, nesudì nu zaan is kenikew he ulaula.

1 Kurintu 2:15

Ne sikan is etew he ziyà te kandin is Wag̵as he Mulin-ulin, egkesavut din mulà is pulus te minsan hengkey he ibpenurù te Wag̵as he Mulin-ulin. Iyan, haazà is etew he wazà diyà te kandin is Wag̵as he Mulin-ulin, kenà sikandin ebpekesavut ke hengkey is diyà te isip te menge etew he mibeg̵ayan te Wag̵as he Mulin-ulin.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.

Santiago 2:4

Kenè be mezaat heeyan he ulaula su kenè niw ebpedrerepengen is kedtahud niw te menge zuma niw he tumutuu su kunaan niw ke hustu ke ebmahalen ta is sepian ne kenà is egkeayuayu.