Juan 7:43 - Manobo Western Bukidnon

⁴³ Ne zutun kenà egkengeuyun is ked-isipa te menge etew mehitenged ki Jesus.

Juan 7:43 Кръстосани препратки

Mateo 10:35

Su tenged te kedhendini ku, egkuntedahan is maama te anak din he maama. Ne egkuntedahan is bahi te anak din he vahi. Ne egkuntedahan daan is bahi te ambey zin.

Lucas 12:51

Kunaan niw vuwa ke iyan impehengkayi ku te kelibutan is wey wazè en samuk te menusiyà. Iyan kenà! Su heini is kebpekehendini ku, ne zuen kebpemekedsusuwey te g̵ehinawa te menge etew.

Juan 10:19

Ne hein nezineg te menge Hudiyu heini he penurù ni Jesus, kenè dan en egkengeuyun.

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.

Nengeulaula 14:4

Ne nengevahinbahin is menge etew zutun te Ikunya. Is duma, edlevanan dan haazà is dezuwa he epustul, ne is duma, ne ziyè dan te menge Hudiyu.