Juan 7:3 - Manobo Western Bukidnon

³ Ne migkeg̵iyan si Jesus te menge hazi zin, ke sikandan te, “Deyzey ke ed-awè ka kayi ne telavuk ka te pista ziyà te prubinsya he Hudiya su wey maahà te menge sumusundan nu ziyà is menge egkein-inuwan he ebeelan nu.

Juan 7:3 Кръстосани препратки

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Marcos 3:21

Ne hein nezineg te menge kezumahan ni Jesus is egkeulaula zin ne mibeyaan dan sikandin su kunaan dan ke neliveg.

Marcos 3:31

Ne nekeuma zutun is iney ni Jesus wey is menge hazi ni Jesus he menge maama. Ne ziyè dan dà te g̵awas dutun te valey ne migkeg̵iyan dan is menge etew he ipeg̵awas dan si Jesus.

Lucas 8:19

Is iney ni Jesus wey is menge hazi zin, ne edhendiyè dan te kandin, iyan, wazè dan meuvayi su nepurung en sikandin melingut te mezakel he etew.

Lucas 8:20

Ne zuen etew zutun he midtazem ki Jesus, ke sikandin te, “Keniyà te g̵awas is iney nu wey is menge hazi nu ne ebpengahaan ke zan.”

Juan 2:2

Ne zutun daan si Jesus wey is menge sumusundan din, su neumbita zaan sikandan he medtelavuk dan.

Juan 6:60

Ne hein nezineg te menge sumusundan din haazà is kebpenurù din, mezakel kandan is migkag̵i te, “Mereg̵en egkezawat heini is penurù din, ne hentei zà buwa is ebpekepemineg kayi?”

Juan 6:66

Ne puun dutun mezakel is menge sumusundan he midsuwey kandin ne wazè en sikandan mebpekiduma kandin.

Juan 7:10

Ne hein migenat en haazà is menge hazi zin he ebpemenelavuk dutun te pista, midtelukun si Jesus, asal wazà mebpekiduma te mezakel he menge etew su kenè din egkesuatan he metueni.

Juan 7:4

Su ke zuen etew he egkesuat he egkevantug, kenà egkehimu he id-eles din is menge vaal zin. Su emun egkehimu nu is menge egkein-inuwan, deyzey ke ibpeehè nu ziyà te langun.”

Juan 7:5

(Iyan heini menge lalag he idsumpalit dan kandin su minsan pa te menge hazi zin sikandan, wazè dan sikandin tuuwi.)

Nengeulaula 2:14

Ne zutun midhitindeg si Pedro ne midhitindeg daan haazà is menge zuma zin he sepulù wey sevaha he epustul. Ne mibpekezesen sikandin he egkag̵i te, “Sikiyu is menge zuma ku he menge Hudiyu wey langun niw te menge meg̵inged dini te Hiruselim, pemineg kew wey niw mesavut is egkeg̵iyen ku.