Juan 7:20 - Manobo Western Bukidnon

²⁰ Ne midtavak haazà is menge etew te, “Kela ka midsuukan ka te mezaat he mulin-ulin su wazè man egkesuat he edhimatey kenikew?”

Juan 7:20 Кръстосани препратки

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 9:34

Iyan, migkag̵i is menge Perisiyu zutun te, “Is tekinan te menge mezaat he mulin-ulin, iyan mibeg̵ey kandin te g̵ehem wey zin mevewii is edlelungen te mezaat he mulin-ulin.”

Marcos 3:30

Umba migkag̵i ni Jesus haazà su is menge menunudlù, migkag̵i zan he mezaat he mulin-ulin is Wag̵as he Mulin-ulin he ed-ulin ki Jesus.

Juan 10:20

Mezakel kandan is egkag̵i te, “Ebuneg̵en sikandin wey mid-ulinan te mezaat he mulin-ulin. Kenè tew ebpemineg̵en sikandin.”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:49

Ne midtavak daan si Jesus te, “Wazà a suuki. Emun ebentug̵en ku is Amey ku he Megbevayà, maan is edsulaan a keniyu?

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Nengeulaula 26:24

Ne te kemulu pa egkag̵i si Pablo te iring dutun, nekevensag si Pistu, ke sikandin te, “Pablo, ebuneg̵en ka! Iyan ibuneg̵a kenikew is utew subra he istudyu nu.”