Juan 7:15 - Manobo Western Bukidnon

¹⁵ Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”

Juan 7:15 Кръстосани препратки

Mateo 13:54

mid-ulì diyà te inged din. Ne ziyà te simbahan mibpenurù din is menge etew zutun. Nengeinuinu is menge etew he mibpemineg kandin. Ke sikandan te, “Hentei vuwa is nekepenurù kandin? Maan is metau sikandin ebaal te menge egkein-inuwan?

Mateo 22:22

Ne hein nezineg dan haazà is lalag ni Jesus, utew zan nengeinuinu ne mid-ewaan dan si Jesus ne migawas dan dutun.

Mateo 22:33

Ne hein nezineg heini te menge mezakel he etew, nengeinuinu zan utew zutun te kebpenurù din.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 4:22

Ne haazà is menge etew he nevurun dutun, nevenaran sikandan te menge penurù din, iyan, utew zan nengeinuinu su utew sikandin metau he edseysey. Ne ke sikandan te, “Kenè be anak heeyan ni Jose?”

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 7:11

Ne zutun te pista, ebpen-ahaan sikandin te menge punuan he menge Hudiyu. Ke sikandan te, “Hendei vuwa sikandin?”

Juan 7:13

Ne g̵eina te egkengehandek is menge etew te menge egalen dan te menge Hudiyu, kenè dan ibpezineg te zuma pa he etew haazà is menge lalag dan.

Juan 7:46

Ne midtavak is menge guwardya te, “Iyan wazè dey ikezekepa kandin su utew meupiya is kedwali zin; wazè pa etew he nekewali iring te ked-wali zin!”

Nengeulaula 26:24

Ne te kemulu pa egkag̵i si Pablo te iring dutun, nekevensag si Pistu, ke sikandin te, “Pablo, ebuneg̵en ka! Iyan ibuneg̵a kenikew is utew subra he istudyu nu.”

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.