Juan 7:14 - Manobo Western Bukidnon

¹⁴ Ne zutun te egkeliwliwazè en is kebibuwan, midhendiyà si Jesus te simbahan he Valey te Megbevayà, ne mibpenurù din is menge etew zutun.

Juan 7:14 Кръстосани препратки

Mateo 21:12

Ne midseled si Jesus diyà te Valey te Megbevayà ne mibpenegseg din dutun is menge limbungan he etew zutun he ebpememelegyà wey ebpememasa. Mibpemiley zin is menge lemisahan te ebpemenliwà te menge selapì wey is menge pinuuwà te menge ebpememelegyà te ibpemuhat he merepatik.

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Juan 7:2

Ne meg̵aan dutun edsilibraha te menge Hudiyu is pista he egngezanan te Pista te Menge Lawig.

Juan 7:28

Ne nezineg ni Jesus haazà, ne zutun te kebpenurù din diyà te simbahan he Valey te Megbevayà mibpekezag̵ing is egkag̵i te, “Kunaan niw ke netuenan niw ke hentei a wey ke hendei a ebpuun, iyan, wazà, su wazà a medhendini te kediey zà he egkesuatan su impehendini a te Megbevayà. Iyan sikandin sikan is tutuu he Megbevayà, iyan, wazè niw metueni ke hentei sikandin.

Juan 7:37

Utew mahal ziyà te menge Hudiyu is ketepusan he andew te kedsilibra zan te pista. Ne hein netuman en haazà, midhitindeg si Jesus ne midhabet megkag̵i te, “Is etew he egkemezahan, medhendini te kediey ne ibpeinum ku sikandin.

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.