Juan 6:71 - Manobo Western Bukidnon

⁷¹ Iyan egkeg̵iyen din si Hudas he anak ni Simon he tigKeriyuti su sevaha sikandin dutun te sepulù wey zezuwa, ne iyan si Hudas ed-akal kandin.

Juan 6:71 Кръстосани препратки

Mateo 10:2

Iyan heini menge ngazan te sepulù wey zezuwa he sumusundan he migeraran ni Jesus he epustul, he ke và dà egkeg̵iya, menge sug̵ù din: iyan lavew kandan si Simon he migeraran ni Jesus ki Pedro; ne zutun daan si Andres he hazi ni Pedro wey is menge anak ni Sibidiyu he si Santiago wey si Juan is hazi ni Santiago.

Mateo 10:4

wey si Simon is sevaha he sakup te upakat he Kenenista wey si Hudas kes tigKeriyuti he iyan mibpalad ki Jesus diyà te menge Hudiyu.

Marcos 14:10

Ne zutun, si Hudas he tigKeriyuti, sevaha zutun te sepulù wey zezuwa he menge sumusundan din, midhendiyà sikandin te menge punuan he memumuhat su ibpalad din si Jesus diyà te kandan.

Juan 12:4

Ne si Hudas he tigKeriyuti, is sevaha he sumusundan ni Jesus, iyan sikandin ed-akal ki Jesus ne migkag̵i sikandin te,

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Juan 13:26

Ne midtavak si Jesus te, “Emun igkezehulit ku en heini is supas, ne is ebeg̵ayan ku, iyan sikandin.” Ne indehulit din haazà is supas, ne imbeg̵ey zin ki Hudas he anak ni Simon he tigKeriyuti.

Juan 2:2

Ne zutun daan si Jesus wey is menge sumusundan din, su neumbita zaan sikandan he medtelavuk dan.

Juan 20:24

Ne si Tomas, he migngezanan te Sereping, sevaha sikandin dutun te sepulù wey zezuwa he mibpilì ni Jesus. Wazà sikandin dutun te mibpaahà kandan si Jesus.

Juan 6:64

Duen duma keniyu he wazà medtuu kediey,” ke si Jesus. (Umba migkag̵i zin haazà su netuenan din he zaan ke hentei is wazà medtuu, ne netuenan din daan ke hentei is ed-akal kandin.)

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Hudas 1:4

Umba kinahanglan he egkeg̵iyen ku heini su zuen menge etew he nekeamur keniyu, iyan, id-eles dan he kenà hustu is edtuuwan dan. Wazè dan kedtahud te Megbevayà; edhelinen dan pezem is tutuu he tuluuwen su ibpenurù dan he egkehimu ke ed-ul-ulahan tew is meremerik su utew kun belig̵eg̵awen is Megbevayà ne ebpeseyluwen kiw zin gihapun. Kenè dan edtuu he si Jesu Kristu, iyan dà egalen tew wey Nengazen tew. Dengan dà isurat te menge ebpeneuven te Megbevayà ke hengkey is silut kandan.