Juan 6:55 - Manobo Western Bukidnon

⁵⁵ su is lawa ku wey is lengesa ku, egkehimu he keuyag̵an wey inumen te wazà pidtemanan.

Juan 6:55 Кръстосани препратки

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Juan 15:1

“Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.

Juan 6:32

Ne midtavak dutun si Jesus te, “Benar is egkeg̵iyen ku keniyu, kenà iyan si Moises nekeveg̵ey te egkeenen he nengeulug he ebpuun te langit, kekenà, iyan is Amey ku he Megbevayà. Ne is tutuu he egkeenen he ebpuun te langit, ibeg̵ey keniyu te Amey ku.

Juan 6:54

Su is egkaan te lawa ku wey ed-inum te lengesa ku, nekeangken en te untung he wazà pidtemanan ne ebenhawen ku sikandin keuzemà dutun te ketepusan he andew;

Juan 6:56

Is egkaan te lawa ku wey ed-inum te lengesa ku, kenà ed-awà dini te kediey ne siak, kenà a zaan ed-awà diyà te kandin.

Juan 8:31

Ne migkeg̵iyan ni Jesus is menge Hudiyu he nemeketuu kandin, ke sikandin te, “Emun kenè niw ed-engkezan is kedtumana niw te menge penurù ku keniyu, ne human tutuu he menge sumusundan ku sikiyu.

Juan 8:36

Umba, ke ebelukasan kew te Anak te Megbevayà, tutuu iyan he kenè kew en maan egkeveyveyaan te zaan he teg̵iuripen keniyu.

Hibriyuhanen 8:2

Edtumanen din is kegkememumuhat din diyà te etuvangan te Megbevayà, diyà te tutuu he valey he ed-ezapan he wazà beeli te etew, kekenà, mibeelan te Megbevayà su ziyà te langit.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.