Juan 6:35 - Manobo Western Bukidnon

³⁵ Ne midtavak si Jesus te, “Iyan a egkeenen he ebpekeveg̵ey te untung he wazà pidtemanan. Sikan is edsundan kediey, kenè en egkevitil wey sikan is edtuu kediey, kenè en maan egkemezahan.

Juan 6:35 Кръстосани препратки

Mateo 11:28

Hendini kew te kediey, sikiyu is langun he nengeveley tenged te ked-uwit te menge meveg̵at he ulaula su ibpehimeley ku sikiyu.

Lucas 6:25

Kehizu niw te layun egkengehantey g̵untaan su zuen timpu keuzemà he egkengevitil kew! Kehizu niw te egkengelipey g̵untaan su zuen timpu keuzemà he utew kew egkengeseeng.

Juan 4:15

Ne migkag̵i haazà is bahi te, “Mama, beg̵ayi e kun keniyan te wahig he migkag̵i nu su wey kenà ad maan memezahi wey kenà ad daan maan ebpekesekezu zini.”

Juan 5:40

iyan, kenè kew edtuu kediey. Angin ke ebpeketuu kew su ebeg̵ayan kew te untung he wazà pidtemanan.

Juan 6:37

Is langun he menge etew he ibeg̵ey kediey te Amey ku he Megbevayà, ebpekesundan dan kediey, ne is edsundan kediey, edewaten ku.

Juan 6:41

Ne zutun nengepauk ki Jesus haazà is menge punuan he menge Hudiyu tenged te migkag̵i zin he ke sikandin te, “Iyan a sikan is egkeenen he ebpuun diyà te langit.”

Juan 6:65

Ne impelaus din haazà is egkeg̵iyen din, ke sikandin te, “Tenged kayi egkeg̵iyen ku keniyu he wazà minsan hentei he ebpekesundan kediey emun wazà sikandin ulini te Amey ku he Megbevayà.”

Impezayag 22:17

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.

Impezayag 7:16

Kenè dan en egkengevitil; ne kenè dan en egkengemezahan; kenè dan en daan egkengetutung te andew wey minsan hengkey he utew meinit.