Juan 6:32 - Manobo Western Bukidnon

³² Ne midtavak dutun si Jesus te, “Benar is egkeg̵iyen ku keniyu, kenà iyan si Moises nekeveg̵ey te egkeenen he nengeulug he ebpuun te langit, kekenà, iyan is Amey ku he Megbevayà. Ne is tutuu he egkeenen he ebpuun te langit, ibeg̵ey keniyu te Amey ku.

Juan 6:32 Кръстосани препратки

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Juan 15:1

“Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.

Juan 6:31

Su zengan is menge kepuun tew, hein diyè dan te tanà he kenà ed-ubpaan te etew, mana is egkeenen he imbeg̵ey kandan te Megbevayà, su zuen insurat he Lalag te Megbevayà he egkag̵i te, ‘Egkeenen he ebpuun te langit is imbeg̵ey kandan ni Moises.’ ”

Juan 6:33

Sikan is egkeenen he ibeg̵ey te Megbevayà, ebpenaug he ebpuun te langit ne iyan ebpekeveg̵ey te untung diyà te tivuuk he menusiyà.”

Juan 6:35

Ne midtavak si Jesus te, “Iyan a egkeenen he ebpekeveg̵ey te untung he wazà pidtemanan. Sikan is edsundan kediey, kenè en egkevitil wey sikan is edtuu kediey, kenè en maan egkemezahan.

Juan 6:41

Ne zutun nengepauk ki Jesus haazà is menge punuan he menge Hudiyu tenged te migkag̵i zin he ke sikandin te, “Iyan a sikan is egkeenen he ebpuun diyà te langit.”

Juan 6:50

iyan, heini is egkeenen he ebpuun te langit, emun egkeenen heini te minsan hentei, duen din untung he wazà pidtemanan.

Juan 6:55

su is lawa ku wey is lengesa ku, egkehimu he keuyag̵an wey inumen te wazà pidtemanan.

Juan 6:58

Heini is egkeenen he egkeg̵iyen ku, ne ziyà ebpuun te langit. Kenà iring te egkeenen he mana he migkaan te menge kepuun tew su nemematey zan gihapun; iyan, is minsan hentei he egkaan kayi te egkeenen he egkeg̵iyen ku, kenè en ebpatey is gimukud din te minsan keenu.”

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.