Juan 6:27 - Manobo Western Bukidnon

²⁷ Kenè niw pen-ahaa is egkeenen he meg̵aan dà egkehanew, kekenà, hag̵ù kew wey niw mekuwa is egkeenen he ebpekeveg̵ey te untung he wazà pidtemanan. Siak is Kakey te Menusiyà, iyan heini egkeenen he igkeveg̵ey ku keniyu su impeehè en te Amey ku he Megbevayà he ingkesuat din is menge vaal ku.”

Juan 6:27 Кръстосани препратки

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Mateo 6:19

Kenè niw tipig̵i is ketig̵eyunan dini te kelibutan su zini egkeketket te ipes wey edtengisen. Ne egketakew su egkeselezan is baley niw te tekawen.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Marcos 1:11

Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Marcos 9:7

Ne neselikuvungan sikandan te g̵apun ne nezineg dan is midtik-ew megkag̵i he ebpuun dutun te g̵apun te, “Iyan heini sikan is Anak ku he utew ku minahal. Pemineg̵a niw is menge lalag din.”

Lucas 9:35

Ne nezineg dan is midtik-ew megkag̵i he ebpuun dutun te g̵apun te, “Iyan heini Anak ku he mibpilì ku he ibpahadì. Pemineg̵a niw is menge lalag din.”

Juan 10:28

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Juan 11:42

Netuenan ku he layun ka ebpemineg te egkeg̵iyen ku, iyan, tenged te menge etew kayi te uvey ku ed-ampù a kenikew g̵untaan wey zan meketuu he midsug̵ù a kenikew zini te kelibutan.”

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 3:15

Umba egkehitavù heini su wey is langun he edtuu kediey meveg̵ayi te untung he wazà pidtemanan.

Juan 3:33

Iyan, is minsan hentei he edawat kayi ebpekepenistig̵us he tutuu is egkeg̵iyen te Megbevayà.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Juan 6:53

Ne migkag̵i si Jesus te, “Utew venar is egkeg̵iyen ku keniyu, siak is Kakey te Menusiyà, emun kenè kew egkaan te lawa ku wey emun kenè kew ed-inum te lengesa ku, wazè niw untung he wazà pidtemanan.

Juan 6:54

Su is egkaan te lawa ku wey ed-inum te lengesa ku, nekeangken en te untung he wazà pidtemanan ne ebenhawen ku sikandin keuzemà dutun te ketepusan he andew;

Juan 6:58

Heini is egkeenen he egkeg̵iyen ku, ne ziyà ebpuun te langit. Kenà iring te egkeenen he mana he migkaan te menge kepuun tew su nemematey zan gihapun; iyan, is minsan hentei he egkaan kayi te egkeenen he egkeg̵iyen ku, kenè en ebpatey is gimukud din te minsan keenu.”

Juan 6:62

Hengkey vuwa is egkekag̵i niw emun siak is Kakey te Menusiyà, egkeahà a keniyu is ebetunen pehendiyà te zivavew, diyà te langit he mibpuunan ku.

Juan 6:68

Ne midtavak si Simon, sikan is migeraran ki Pedro, ke sikandin te, “Wazà duma he egkesundanan dey su iyan ke zà ebpenurù te paag̵i te kebpekeangken te untung he wazà pidtemanan.

Juan 8:18

Ebpenistig̵usan ku is keugelingen ku, ne is Amey ku he midsug̵ù kedì, ebpenistig̵usan e zin daan.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 2:22

Ne mid-uman megkag̵i si Pedro te, “Sikiyu is menge zuma ku he kevuwazan ni Israyil, pemineg̵a niw is egkeg̵iyen ku. Si Jesus, kes tigNeserit, sug̵ù sikandin te Megbevayà. Impesavut kenitew te Megbevayà he sug̵ù din si Jesus pinaag̵i te g̵ehem din wey menge egkein-inuwan wey menge singyal he mibpeveelan kandin te Megbevayà. Netuenan niw en heini is egkeg̵iyen ku su neulaula heini is langun dini te inged niw.

Ruma 4:11

Umba mibpesirkunsidar sikandin su nehimu is kedsirkunsidar he tuus diyà te lawa zin he mid-isip te Megbevayà sikandin he metazeng tenged te kedtuu zin dutun te wazè pa sikandin sirkunsidara. Ne nehimu si Abraham he kepuun tew, he ke và dà egkeg̵iya, egkeiringan te langun he edtuu, minsan te wazà sikandan sirkunsidara. Umba edtuu zan su wey isipa te Megbevayà sikandan he metazeng.

Ruma 6:23

Ke zuen etew he ebpevayàbayà te suat te mekesesalà he lawa zin ne zuen silut kandin he iyan is kemetayen he wazè din pidtemanan. Iyan, is etew mulà he edtuuwan din si Jesu Kristu he Nengazen tew, duen ibeg̵ey kandin te Megbevayà he iyan is untung he wazè din pidtemanan.

1 Kurintu 6:13

Ne ke zuen daan egkag̵i he umba mibeelan te Megbevayà is getek ta su wey mahantey te egkeenen, ne utew zaan benar heeyan, iyan, duen timpu keuzemà he wazè en pulus te g̵etek ta ne wazà daan dutun pulus te egkeenen su id-awà keuzemà te Megbevayà is kegemita kayi. Ne iring din ded daan is lawa ta, su kenà egkehimu he egemiten ta is lawa ta wey mahantey is suat ta zuen te etew he kenè ta esawa. Su wazà limbag̵a te Nengazen is lawa tew su wey tew meulaula is meremerik, kekenà, iyan inlimbag̵a zin su wey pinaag̵i kayi mezalig sikandin. Ne iring din ded daan pinaag̵i te Nengazen tew he si Jesus edtulusen keuzemà is lawa tew.

1 Kurintu 9:2

Ne minsan ke kenà ebpeketuu is duma he epustul a, sikiyu is diyan te Kurintu, netuenan niw en he epustul a su kenà egketarù he pinaag̵i kedì mibeg̵ayan kew en te veg̵u en he untung.

2 Kurintu 4:18

Su iyan netag̵ù mepurung dini te g̵ehinawa zey, kenà is menge vutang he egkeehè ta zini te kelibutan, kekenà, iyan is menge vutang he kenè te pa egkeahà he ziyà te langit. Su is menge vutang he egkeehè ta zini te kelibutan, ne meg̵aan dà egkehanew, iyan, sikan is kenè pa egkeahà he ibeg̵ey te Megbevayà, ne kenà mulà egkehanew te wazà pidtemanan.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Pilipus 2:13

Su layun edtavang keniyu is Megbevayà wey niw mesuati ne wey niw mehimu is kedtumana te tuyù din diyan te keniyu.

Kulusas 1:29

Siak, ebpenigudu a ebaal he edlig-enan te zekelà he zesen ni Kristu su wey metuman heini.

Kulusas 3:2

Ed-isipen ta layun heini ne kenè te en ed-isipen is menge mezaat he ulaula zini te tanà.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Hibriyuhanen 12:16

Bantey kew su wey wazà minsan sevaha keniyu he meremerik is ulaula zin wey ke ed-iniyug̵an din be is Megbevayà su iring kayi si Esau zengan. Is ketenged din te kegkekakey he anak, inliwè din te keenen he sengepegkaan dà.

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

Santiago 1:11

Edsilaan is sagbet te andew he utew meinit, ne egkelay-ub, ne egkeg̵angu is kevukad din, ne kenè en maan dutun meupiya he ed-ahaan. Ne iring din ded daan is sepian he etew su egketik-ew sikandin ebpatey ne egkeengkezan din is kebpen-ehè din te ketig̵eyunan.

1 Pedro 1:24

Su zuen insurat he Lalag te Megbevayà he edhenduen te, “Is menusiyà, geina te mevavè dà utew is untung din, iring sikandin te sagbet. Su is kempet din, ne iring te kevukad te sagbet. Meg̵aan egkeg̵angu is sagbet, ne egkengeulug is kevukazan din.

2 Pedro 1:17

Duma key zin dengan hein impaahà te Amey tew he Megbevayà is mekeg̵eg̵ehem he anlag din wey is utew zin kegkelavew. Nezineg dey is lalag te mekeg̵eg̵ehem he Megbevayà he migkag̵i te, “Iyan heini sikan is Anak ku he utew ku minahal; ingkesuat ku utew sikandin,” ke sikandin.