Juan 6:24 - Manobo Western Bukidnon

²⁴ Ne hein netuenan te menge etew he wazè en dutun si Jesus wey is menge sumusundan din, nemen-untud dan dutun te menge avang su ebpen-ahaan dan si Jesus diyà te inged he Kepirnaum.

Juan 6:24 Кръстосани препратки

Mateo 14:34

Ne hein nekeuma zan en diyà layun, nekezunggù dan diyà te inged he Giniserit.

Marcos 1:37

Ne hein neturedu zan, migkag̵i zan diyà te kandin te, “Ebpen-ahaan ka te langun he menge etew.”

Marcos 6:53

Ne hein nekeuma zan diyà layun dutun te ranew nekezunggù dan diyà te inged he Giniserit.

Lucas 8:40

Ne hein nekezunggù ensi Jesus dutun te ebpuunan dan ne utew nengeg̵alew is utew mezakel he menge etew he nengetig̵um dutun su edtag̵ad dan kandin.

Juan 20:15

Ne migkeg̵iyan ni Jesus te, “Bayi, hengkey is idsineg̵ew nu? Hentei is ebpen-ahaan nu?” Ne kunaan ni Maria ke iyan sikandin sikan is ed-elima te menge pinemula zutun, umba migkag̵i te, “Mama, ke iyan ka migkuwa te lawa zin, keg̵iya nu ke hendei nu isavuk su egkuwaan ku.”

Juan 6:17

ne mid-untud dan te avang su edrapas dan diyà te inged he Kepirnaum. Mezukilem en dutun haazà is ked-untud dan, ne wazè pa si Jesus mekelikù diyà te kandan.

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

Juan 6:26

Ne midtavak si Jesus te, “Benar is egkeg̵iyen ku keniyu he, umba ebpen-ahaan a keniyu kenà tenged te tutuu is kedsavut niw te menge egkein-inuwan he nengeehè niw, kekenà, tenged te nengehantey is getek niw te supas he nekaan niw g̵evii.

Juan 6:59

Iyan heini impenurù ni Jesus dutun te simbahan te menge Hudiyu ziyà te inged he Kepirnaum.

Juan 7:11

Ne zutun te pista, ebpen-ahaan sikandin te menge punuan he menge Hudiyu. Ke sikandan te, “Hendei vuwa sikandin?”