Juan 6:12 - Manobo Western Bukidnon

¹² Ne hein nengehantey en dutun is langun, migkeg̵iyan ni Jesus haazà is menge sumusundan din te, “Himesa niw is nengesamà he egkeenen su wey kenà mezeeti.”

Juan 6:12 Кръстосани препратки

Lucas 1:53

Is menge etew he egkengeayuayu, iyan ebeg̵ayan din te meupiya, iyan, is menge sepian, ibpehipanew zin he wazè dan uwiten.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 16:1

Ne impezineg en maan ni Jesus is menge sumusundan din te selakew pa maan he sempità. Ke sikandin te, “Duen sepian he etew he impezumala zin is sevaha he sulug̵uen din te menge ketig̵eyunan din. Ne zuen daan etew he midsumbung dutun te sepian he haazà is impezumala, ne ebpenggestuwen din is selapì dutun te egalen din.

Lucas 9:17

Ne is kada sevaha zutun te menge etew, nekekaan ne nahantey. Ne haazà is egkeenen, ne nesemaan pa te sepulù wey zezuwa he vinevey is nehimes he menge tevì te supas te menge sumusundan din.

Juan 2:2

Ne zutun daan si Jesus wey is menge sumusundan din, su neumbita zaan sikandan he medtelavuk dan.