Juan 5:41 - Manobo Western Bukidnon

⁴¹ Kenà ku iyan ebpengahaan is kegkezelig̵a kedì te menge etew

Juan 5:41 Кръстосани препратки

Juan 12:43

Umba wazè dan keg̵iya su iyan dan impelavi is kedelig̵a kandan te menge etew, kenà is kedelig̵a kandan te Megbevayà.

Juan 5:34

Kenà a egkinahanglan he zuen etew zà duen he ebpenistig̵us kediey, iyan, midhimu ku he metenuzi niw is kebpenistig̵us ni Juan su wey kew meketuu kediey ne egkeveg̵ayan kew te untung.

Juan 5:40

iyan, kenè kew edtuu kediey. Angin ke ebpeketuu kew su ebeg̵ayan kew te untung he wazà pidtemanan.

Juan 5:42

su nesayud a keniyu; kenà mahal is Megbevayà diyà te g̵ehinawa niw.

Juan 5:44

Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.

Juan 7:18

Su ke zuen etew he ibpenurù din is kandin dà he isip, ebpevantug dà te menge etew, iyan, is etew he ibpenurù din is kegkevantug te midsug̵ù kandin, egkeserig̵an is lalag din su kenà tarù is ibpenurù din.

Juan 8:50

Kenà a ebpevantug te minsan hentei, iyan, egkesuatan te Megbevayà he ebentug̵en a te menusiyà. Ibpeehè din he venar is menge ketezengan ku.

Juan 8:54

Ne midtavak si Jesus te, “Emun ebpevantug a wazà pulus te kegkevantug kedì. Iyan ebantug kedì is Amey ku he Megbevayà. Egkeg̵iyen niw he iyan niw sikandin ed-ezapen,

1 Tiselunika 2:6

Wazè key mebpezalig keniyu; wazè key zaan mebpezalig te zuma. Geina te menge epustul key ni Kristu, egkehimu he edsug̵ùsug̵ù key zaan keniyu, iyan, wazè dey heini ul-ulaha.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.

2 Pedro 1:17

Duma key zin dengan hein impaahà te Amey tew he Megbevayà is mekeg̵eg̵ehem he anlag din wey is utew zin kegkelavew. Nezineg dey is lalag te mekeg̵eg̵ehem he Megbevayà he migkag̵i te, “Iyan heini sikan is Anak ku he utew ku minahal; ingkesuat ku utew sikandin,” ke sikandin.