Juan 5:18 - Manobo Western Bukidnon

¹⁸ Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Juan 5:18 Кръстосани препратки

Mateo 12:5

Kenà daan egkehimu he wazè niw mevasa ziyà te ingkesurat ni Moises he is menge memumuhat diyà te Valey te Megbevayà, emun Andew te Kedhimeley kenè dan edhimeley, ne minsan pa zutun kenè dan ebpekesalà.

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 10:30

Sevaha key zà, siak wey is Amey ku he Megbevayà.”

Juan 10:33

Ne midtavak diyà te kandin haazà is menge Hudiyu te, “Kenà iyan dey idtulenga kenikew is meupiya he vaal, kekenà, geina te edsupaken nu is Megbevayà su maan is egkag̵i ka he Megbevayà ka te etew ke zà duen!”

Juan 14:23

Ne midtavak si Jesus te, “Ke zuen etew he mahal a ziyà te g̵ehinawa zin, edtumanen din is menge sug̵ù ku, ne zutun mahal sikandin diyà te g̵ehinawa te Amey ku. Ne siak wey is Amey ku, edhendiyè key te kandin ne ziyà key ed-ubpà te kandin.

Juan 14:9

Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 19:7

Ne migkag̵i ziyà te kandin haazà is menge Hudiyu te, “Sumalà te kesug̵uan dey, kinahanglan he edhimetayan heini he etew su midsupak din is kesug̵uan su migkag̵i zin he iyan sikandin sikan is Anak te Megbevayà.”

Juan 5:15

Ne zutun mid-awà haazà is neulian ne migkeg̵iyan din is menge punuan he menge Hudiyu he iyan si Jesus mibawì kandin.

Juan 5:16

Umba puun dutun nepeukan si Jesus te menge punuan he menge Hudiyu su utew zan ingkeepes haazà is kebewii zin te egkezeruwan dutun te andew he Sebadu.

Juan 5:17

Iyan, duen ketezengan ni Jesus, ke sikandin te, “Is Amey ku he Megbevayà, kenà sikandin edhimeley he ebaal, ne siak, ebpenigudu a zaan ebaal.”

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 7:19

Is apù tew zengan he si Moises, iyan mibeg̵ey keniyu te menge kesug̵uan. Ne netuenan ku he wazà minsan sevaha keniyu he edtuman te kesug̵uan su maan is egkeisip niw he edhimetayan a keniyu?”

Juan 8:54

Ne midtavak si Jesus te, “Emun ebpevantug a wazà pulus te kegkevantug kedì. Iyan ebantug kedì is Amey ku he Megbevayà. Egkeg̵iyen niw he iyan niw sikandin ed-ezapen,

Juan 8:58

Ne midtavak si Jesus te, “Utew venar is egkeg̵iyen ku keniyu he te wazè pa ianak si Abraham daan e en.”

Pilipus 2:6

Su minsan ke kenà egkeawà diyà te kandin is kegkemegbevayè din wazè din isipa he kenè din ed-ewaan is kebpekesavuk din te zekelà is keg̵ehem din he Megbevayà,

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

Impezayag 22:3

Ne haazà is inged, wazà dutun minsan hengkey he midrewakan te Megbevayà. Ne zutun is pinuuwà te Megbevayà he iyan pinuuwà te nati he kerehidu. Ne ed-ezapen is Megbevayà te menge sulug̵uen din.