Juan 4:53 - Manobo Western Bukidnon

⁵³ Ne zutun netenuzan te etew he iyan haazà kes timpu he migkag̵i si Jesus diyà te kandin te neulian en is anak din. Ne tenged dutun neketuu haazà is etew zuma is pemilya zin.

Juan 4:53 Кръстосани препратки

Mateo 8:13

Ne zutun migkeg̵iyan ni Jesus kes kepitan te, “Ulì ka; ne sumalà is midtuuwan nu iyan daan ed-ul-ulahan ku.” Ne zutundutun neulian haazà is sulug̵uen kayi te kepitan.

Lucas 19:9

Ne migkag̵i si Jesus diyà te kandin te, “Sikew wey menge zuma nu zini te valey, edlibriyen kew g̵untaan te Megbevayà te silut tenged te menge salè niw su mid-iringan niw g̵untaan is kepuun niw he si Abraham su midtuu kew te Megbevayà.

Juan 4:51

Ne hein ed-ulì en haazà is etew midsinug̵ung sikandin te menge sulug̵uen din, ne ke sikandan te, “Neulian en is anak nu.”

Juan 4:52

In-insè din kandan ke keenu mezeyzey haazà is anak din, ne ke sikandan te, “Gevii te kegkepulid te andew midhimemasan sikandin.”

Nengeulaula 11:14

Sikew wey is pemilya nu, ibpesavut din keniyu is paag̵i he iyan igkelibri niw te silut te Megbevayà keniyu.’ Iyan heini tudtul ni Cornelio,” ke si Pedro.

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Nengeulaula 16:34

Impepemenahik din si Pablo wey si Silas diyà te valey zin ne impekaan din. Ne sikandin wey haazà is pemilya zin, utew zan nengelipey su neketuu zan en te Megbevayà.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Nengeulaula 2:39

Su sikitew wey is menge kevuwazan tew, iyan mibpenaazan te Megbevayà te Wag̵as he Mulin-ulin ne kenà iyan kiw zà mibpenaazan kayi, kekenà, elin daan sikan is menge etew he ziyà ed-ubpà te meziyù, is minsan hentei he edhimuwen te Nengazen tew he Megbevayà he meketuu kandin.”