Juan 4:46 - Manobo Western Bukidnon

⁴⁶ Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.

Juan 4:46 Кръстосани препратки

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Lucas 7:2

Ne zuen dutun etew he kenà Hudiyu he kepitan te nenggatus he sundaru he zuen din sulug̵uen he maama he utew zin minahal. Ne heini is sulug̵uen ne egketigbak is egkezeruwan su edluwàluwè en te g̵ehinawa.

Lucas 8:42

Su zuen budtung he anak din he rag̵arag̵a he menge sepulù pa wey zezuwa is penuig̵en din, ne egkezeruwan ne edluwàluwè en te g̵ehinawa. Ne miduma kandin si Jesus. Ne zutun te kedhipanew zan ebpenelektelek dan dà su egkengelipitlipit dan te utew mezakel he menge etew zutun.

Juan 2:12

Neiwas haazà, si Jesus wey is iney zin wey menge suled din wey is menge sumusundan din, midhendiyè dan te inged he Kepirnaum ne wazè dan med-awà dutun seled te nepipira he andew.

Juan 21:2

Dutun si Simon Pedro, wey si Tomas he migngezanan te Sereping, si Natanael he tigKana ziyà te Geliliya, wey elin daan dutun is dezuwa he anak ni Sibidiyu wey zuen daan dutun dezuwa pa he menge sumusundan ni Jesus.