Juan 4:39 - Manobo Western Bukidnon

³⁹ Ne mezakel is menge tigSemarya zutun he nemeketuu ki Jesus tenged te migkag̵i zutun te vahi he ke sikandin te, “Netagnè din is langun he nengeulaula ku.”

Juan 4:39 Кръстосани препратки

Mateo 10:5

Impehipanew ni Jesus heini is sepulù wey zezuwa. Ke sikandin te, “Kenè kew hendiyà te menge inged te menge etew he kenà Hudiyu wey ziyà te menge inged te Semarya.

Juan 1:37

Ne hein nezineg heini zutun te menge sumusundan din he zezuwa, miduma zan ki Jesus.

Juan 11:45

Ne haazà is menge Hudiyu zutun he miduma ki Maria, hein neehè dan haazà is mibeelan ni Jesus, mezakel kandan is midtuu ki Jesus.

Juan 4:29

“Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

Juan 4:30

Ne migenat dan su edhendiyè dan te ki Jesus.

Juan 4:38

Imperag̵un ku sikiyu zutun te tanà he wazè niw pemulai; su selakew is midsangyew te Lalag te Megbevayà ne tenged te vaal zan iyan kew ebpekepesavut te menge etew wey zan meketuu,” ke si Jesus.

Juan 4:40

Ne hein nemekeuma haazà is menge tigSemarya ziyà te ki Jesus, midhengyuan dan sikandin he kenà petuluy medlaus te kedhipanew zin. Umba mid-ubpà ensi Jesus dutun seled te zezuwa he andew.

Juan 4:42

ne migkeg̵iyan dan sikan is bahi te, “Nemeketuu key, kenà tenged dà te migkag̵i nu, kekenà, tenged daan te nezineg dey is menge lalag din, ne netuenan dey en he tutuu iyan he iyan sikandin sikan is Menluluwas te menusiyà.”

Juan 4:5

Ne nekeuma zan diyà te sevaha he inged diyà te Semarya he egngezanan te Sikar he uvey te tanà he imbeg̵ey zengan ni Hakub diyà te anak din he si Jose.