Juan 4:24 - Manobo Western Bukidnon

²⁴ Mulin-ulin is Megbevayà ne wazè din lawa; umba is langun he ed-azap kandin, kinahanglan he ezapa zan sikandin pinaag̵i te g̵ehem te Wag̵as he Mulin-ulin wey tutuu is ked-ezapa zan kandin.”

Juan 4:24 Кръстосани препратки

Juan 4:23

Duen ebperetengen he timpu ne netuman en guntaan he is menge etew he egkesuat he ed-azap te Amey tew he Megbevayà, ne kinahanglan he ezapa zan pinaag̵i te g̵ehem te Wag̵as he Mulin-ulin wey tutuu is ked-ezapa zan kandin. Iyan heini menge etew he edewaten te Megbevayà wey zan mekeazap kandin.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 3:17

Ne heini is egkeg̵iyen he Nengazen, ne iyan kes Wag̵as he Mulin-ulin, ne emun ed-ulinan is etew te Wag̵as he Mulin-ulin nevelukasan en sikandin te kegkeuripena kandin te kesug̵uan.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.