Juan 3:4 - Manobo Western Bukidnon

⁴ Ne mid-insà si Nikudimu ke, “Ebmenmenuwen te etew he meg̵urang en is kebpaanak kebpeuman su kenè en man sikandin ebpekelikù te g̵etek te iney zin wey iuman ianak.”

Juan 3:4 Кръстосани препратки

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Juan 6:53

Ne migkag̵i si Jesus te, “Utew venar is egkeg̵iyen ku keniyu, siak is Kakey te Menusiyà, emun kenè kew egkaan te lawa ku wey emun kenè kew ed-inum te lengesa ku, wazè niw untung he wazà pidtemanan.

Juan 6:60

Ne hein nezineg te menge sumusundan din haazà is kebpenurù din, mezakel kandan is migkag̵i te, “Mereg̵en egkezawat heini is penurù din, ne hentei zà buwa is ebpekepemineg kayi?”

1 Kurintu 1:18

Ne emun ibpesavut ta ziyà te menge etew is kebpatey ni Kristu zuen te krus, sikan is menge etew he kenà egkelibri te silut, kunaan dan ke wazà pulus te ibpesavut ta. Iyan, sikita is nelibri en te silut, netuenan ta he pinaag̵i te kebpesevuta te kebpatey ni Kristu, ibpaahà te Megbevayà is gehem din te kedlibriya te menusiyà.

1 Kurintu 2:14

Ne is etew he wazà diyà te kandin is Wag̵as he Mulin-ulin, kenè din edewaten is ibpenurù te Wag̵as he Mulin-ulin su wazà pulus kayi ziyà te kandin, ne kenè din daan egkesavut su iyan dà ebpekeseysey kayi ziyà te kandin is Wag̵as he Mulin-ulin.