Juan 3:22 - Manobo Western Bukidnon

²² Ne neiwas heini, midhendiyà si Jesus wey is menge sumusundan din te prubinsya he Hudiya. Ne zutun dan med-ubpà taman te nepipira he andew su ebpemewtismu si Jesus te menge etew.

Juan 3:22 Кръстосани препратки

Juan 2:13

Meg̵aan en dutun edtumana te menge Hudiyu ziyà te inged he Hiruselim is Pista te Kedlevayi. Ne tenged kayi midhendiyà ensi Jesus te Hiruselim.

Juan 2:2

Ne zutun daan si Jesus wey is menge sumusundan din, su neumbita zaan sikandan he medtelavuk dan.

Juan 3:23

Ne si Juan Megbebewtismu, ebpemewtismu zaan asal ziyà sikandin ebpemewtismu te inged he Inun he uvey te inged he Salim su mezakel is menge wahig dutun. Ne nemenhendutun is menge etew ne mibpebewtismu sikandan.

Juan 3:26

Ne midhendiyè dan te ki Juan ne ke sikandan te, “Menunudlù, sikan is etew he zuma nu hein diyè ka layun te wahig he Hurdan, sikan is migkag̵i nu, ebpemewtismu zaan sikandin ne mezakel he etew is edsundan kandin.”

Juan 7:3

Ne migkeg̵iyan si Jesus te menge hazi zin, ke sikandan te, “Deyzey ke ed-awè ka kayi ne telavuk ka te pista ziyà te prubinsya he Hudiya su wey maahà te menge sumusundan nu ziyà is menge egkein-inuwan he ebeelan nu.