Juan 3:12 - Manobo Western Bukidnon

¹² Ne emun kenè kew edtuu kediey ke ibpesavut ku keniyu is egkengeulaula zini te tanà, wey kew pe be meketuu ke ibpesavut ku keniyu is ed-ul-ulahan diyà te langit?

Juan 3:12 Кръстосани препратки

Juan 3:11

Kenè nu lipati he is egkeg̵iyen dey, kenà tarù. Netuenan dey he tutuu is ibpesavut dey su neehè dey en, iyan, kenè niw mulà edtuuwan is egkeg̵iyen dey.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Juan 3:8

Is keramag, minsan hendei zà duen ebpevayà ne egketuusan ta su egkezineg ta is dag̵ing din, iyan, kenè ta egketuenan ke hendei ebpuun wey ke hendei ebpevayà. Iring din ded daan is gehem te Wag̵as he Mulin-ulin diyà te etew he id-anak pinaag̵i te g̵ehem din su kenà heini egkesavut te etew zà duen.”

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

Hibriyuhanen 5:11

Dekelè pa is ibpesavut ku pezem keniyu mehitenged te kegkememumuhat ni Milkisidik wey ni Jesus, iyan, mereg̵en he edseysayen su kenè niw en egkesavut. Henduen be te kenè en ed-uteng diyà te isip niw.

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.