Juan 21:5 - Manobo Western Bukidnon

⁵ Ne migkag̵i ziyà te kandan si Jesus te, “He menge suled, duen be neutel niw?” Ne midtavak dan te, “Wazà.”

Juan 21:5 Кръстосани препратки

Mateo 14:15

Ne hein mahapun en, mid-uvayan sikandin te menge sumusundan din ne ke sikandan te, “Mahapun en utew ne wazà menge inged kayi te uvey tew; deyzey ke ibpeg̵enat nu en is menge etew wey zan mekehendiyà te menge inged ne egkepemasa zan is egkekaan dan.”

Marcos 8:7

Ne zuen daan dutun pira he leg̵as he zeisek he pait ne hein nepeselematan din en insug̵ù din he ipemeg̵ey zaan haazà dutun te menge etew.

Pilipus 4:19

Ne is Megbevayà, iyan daan ebeg̵ey keniyu te langun he kinahanglan niw tenged te kebpekidsevaha niw ki Jesu Kristu su utew zekelà is ketig̵eyunan din.

Hibriyuhanen 13:5

Bantey kew su kela ke utew subra is suat niw te selapì. Kinahanglan he imeupiye en te g̵ehinawa niw is naazen niw, su migkag̵i is Megbevayà te, “Kenè ku sikiyu ed-ewaan ne kenè ku sikiyu ed-engkezan.”

1 Juan 2:13

Sikiyu is menge meg̵urang, umba ebpesuratan ku sikiyu su nehimu kew en he menge emig̵u ni Kristu. Daan en sikandin te wazè pa limbag̵a is minsan hengkey. Sikiyu is menge menguhed, ebpesuratan ku sikiyu su nezaag niw en si Setanas.

1 Juan 2:18

Menge anak ku, meg̵aan en egketapus heini is timpu. Nezineg niw en he keuzemà duen edlepew he egeraran te Kuntada ni Kristu. Guntaan duen en mezakel he menge kuntada ni Kristu ne tenged dutun netuenan ta he meg̵aan en iyan egketapus heini is timpu.