Juan 21:16 - Manobo Western Bukidnon

¹⁶ Ne migkag̵i si Jesus te, “Semaki nu is menge nati ku he kerehidu.” Ne mid-uman megkag̵i si Jesus te, “Simon, anak ni Juan, mahal e ve utew ziyan te g̵ehinawa nu?” Ne midtavak si Pedro te, “Uya, netuenan nu he mahal ka zini te g̵ehinawa ku.” Ne migkag̵i si Jesus te, “Bentayi nu is menge kerehidu ku.”

Juan 21:16 Кръстосани препратки

Mateo 2:6

‘Sikiyu is menge tigBitlihim he ziyà ed-ubpà te prubinsya he Hudiya, egkevantug daan is inged niw iring te zuma he menge inged diyan te Hudiya su ziyà te keniyu ebpuun is edhadì te menge sakup ku he menge kevuwazan ni Israyil.’ ”

Mateo 25:32

Ebpekeetuvang kedì is tivuuk he menusiyà. Ne zutun edtepizen ku sikandan te zezuwa he vahin iring te kedtepiza te bekidu zuen te menge kambing wey menge kerehidu.

Mateo 26:72

Ne utew mezesen is kebarew zutun ni Pedro. Ke sikandin te, “Kenè ku egkekilala heeyan he etew.”

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Juan 18:17

Ne haazà is bahi zutun te pultahan, mid-insaan din si Pedro te, “Sumusundan ke ve zaan keniyan te etew?” Ne midtavak si Pedro te, “Kenà.”

Juan 18:25

Ne kemulu pa si Pedro zutun is edhidhizazang. Ne zuen menge etew zutun he mid-insà kandin te, “Kenè ke ve sumusundan daan ni Jesus?” Iyan, mibarew ni Pedro. Ke sikandin te, “Kenà a iyan.”

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

Hibriyuhanen 13:20

Is Megbevayà, mibanhew zin is Nengazen tew he si Jesus. Midtig̵is is lengesa zin he iyan tuus te veg̵u wey wazà pidtemanan he paag̵i te kebpekidsevaha tew te Megbevayà. Ne tenged dutun nehimu si Jesus he mekeg̵eg̵ehem he ed-elima kenitew te menge kerehidu zin.

1 Pedro 2:25

Iring kiw zengan te menge ayam he kerehidu he nengetazin, iyan, guntaan impeulì kiw en diyà te Megbevayà he iyan bekidu he metau he ebantey kenitew.

1 Pedro 5:2

Ne iyan idhangyù ku keniyu is: purungi niw elimahi is menge tumutuu he insarig keniyu te Megbevayà. Iring sikandan te menge kerehidu zin. Iyan kew edumala kandan, kenà iring te ebpeg̵esen kew, kekenà, kinahanglan he ebpuun te meliwanag he g̵ehinawa niw su iyan haazà egkesuatan te Megbevayà. Kinahanglan he kenà iyan dà id-elimahi niw kandan is tenged te edsuhulan kew zan, kekenà, tenged te egkesuat kew he edtavang kandan.

Impezayag 7:17

Su is nati he kerehidu he ziyà te teliwazà te pinuuwà te edhadì, iyan sikandin ed-elima kandan. Ibpeturedu zin kandan is ebpuunan te menge wahig he ebpekeveg̵ey te untung he wazà pidtemanan. Ne is Megbevayà, id-awè din en is keseengan kayi te menge etew,” ke sikandin.