Juan 20:17 - Manobo Western Bukidnon

¹⁷ Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Juan 20:17 Кръстосани препратки

Mateo 12:50

Su is minsan hentei he edtuman te egkesuatan te Amey tew he ziyà te langit, iyan daan iney ku, menge suled ku he maama, wey suled ku he vahi.”

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 28:7

Ne g̵ègaani niw veyai is duma he menge sumusundan din. Ne keg̵iya niw ziyà te kandan he nevanhew en sikandin ne edhuna keniyu ziyà te Geliliya ne ziyè niw sikandin egkeuma. Ne kenè niw lipati heini is migkag̵i ku keniyu,” ke sikandin.

Marcos 12:26

Ne mehitenged te menge minatey he ebenhawen, wazè niw ve mevasa ziyà te libru he insurat dengan ni Moises kes egkeregreg he sagbet he zutun mibpaahà kandin is Megbevayà? Su minsan te minatey en dutun si Abraham wey si Isaak wey si Hakub, migkag̵i is Megbevayà diyà te ki Moises te, ‘Iyan a Megbevayà he ed-ezapen ni Abraham wey ni Isaak wey ni Hakub,’

Marcos 16:19

Ne te kegkeipusa te Nengazen he si Jesus dutun te menge lalag din, mibatun sikandin pehendiyà te langit, ne mibpinuu ziyà te egkekewanan te Megbevayà.

Lucas 10:4

Kenè kew med-uwit te selapì, wey kempilù, wey sepatus he ed-ilisan niw. Ne kenà utew melug̵ayad is kedlelag̵i niw te etew he egkeuma niw ziyà te zalan.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Juan 14:2

Mezakel is menge egkeubpaan diyà te ed-ubpaan te Amey ku, su ke kenà tutuu heini, wazè ku g̵eina sikiyu keg̵iyi he edhendiyà a te ked-andam te egkeubpaan niw.

Juan 14:28

Nezineg niw is migkag̵i ku he ed-ewaan ku sikiyu ne edlikù e zed dini te keniyu. Angin ke tutuu he mahal a ziyà te g̵ehinawa niw su igkelipey niw pezem heini su g̵untaan egkehimu he ed-ulì a ziyà te Amey ku he iyan lavew kenà a.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Juan 17:11

Ne g̵untaan ed-ulì ad diyan te kenikew ne kenè e en ed-ubpà dini te kelibutan, iyan, heini is menge etew he g̵aked ta, dini zan pa te kelibutan. Wag̵as he Amey ku, pinaag̵i te g̵ehem te ngazan nu, ipata nu heini is menge imbeg̵ey nu kediey he etew su wey mesevaha sikandan iring te sevaha ki zà.

Juan 17:25

Wag̵as he Amey ku, is menge etew zini te kelibutan he kuntada nu, wazè dan mesavut ke hentei ka, iyan, siak, nesavut ku; ne heini is menge etew he g̵aked ta, nesavut dan he midsug̵ù a kenikew zini.

Juan 17:5

Ne guntaan, Amà, iulì nu kediey ziyan te etuvangan nu sikan is daan he utew ku kegkelavew he iyan kes kegkelavew ku zengan hein diyan e pa te kenikew te wazè pa limbag̵a is kelibutan.

Juan 20:27

Ne zutun migkeg̵iyan din si Tomas te, “Itiyuk nu kayi is tezù nu; is belad nu zaan, itiyuk nu kayi te kilid ku; ahaa nu is menge velad ku ne kenà ke en maan meduwazuwa, kekenà, tuu ka.”

Juan 7:33

Ne migkag̵i si Jesus te, “Kenè en utew egkeug̵et ne ed-ewaan ku sikiyu su ed-ulì a ziyà te Megbevayà he midsug̵ù kedì.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

2 Kurintu 6:18

Ne egkehimu a he Amey niw ne sikiyu, menge vahi wey maama, egkehimu kew he menge anak ku. Lalag heini te mekeg̵eg̵ehem he Nengazen te langun.”

Gelasya 3:26

Ne g̵eina te iyan haazà, nehimu kew en pudu he menge anak te Megbevayà tenged dà te kedtuu niw ki Jesu Kristu.

Hibriyuhanen 11:16

Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.

Hibriyuhanen 8:10

Ne mid-uman megkag̵i is Nengazen te, “Is beg̵u he paag̵i he edtukuzen ku wey ku mezawat is menge kevuwazan ni Israyil, ne iyan heini: is menge sug̵ù ku, ne idsurat ku ziyà te g̵ehinawa zan wey ziyà te isip dan ne egkesuatan dan human te edtuman heini. Ne human a egkehimu he Megbevayà dan ne egkehimu sikandan he menge g̵aked ku.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.

1 Juan 3:2

Menge minahal ku he menge emig̵u, menge anak kiw en te Megbevayà ne kenè tew pa egketuenan ke hengkey is egketemanan te kegkeenaka kenitew te Megbevayà. Iyan, netuenan tew he ke edlikù si Kristu, egkehimu zutun is kenitew he zagwey he iring te kandin he zagwey su zutun egkeehè tew human is tutuu he zagwey zin.

Impezayag 21:3

Ne nezineg ku is egkag̵i he utew mezag̵ing diyà te pinuuwà te edhadì, ne ke sikandin te, “Mid-amur en human is Megbevayà diyà te menusiyà. Ed-amur sikandin kandan ne egkehimu sikandan he menge gin-etawan din. Iyan sikandin duma zan wey ed-ezapen dan he Megbevayà.

Impezayag 21:7

Ke zuen minsan hentei he ebpekezaag ki Setanas, ne edhimuwen ku sikandin he anak ku ne egkehimu a zaan he Megbevayè din.