Juan 20:13 - Manobo Western Bukidnon

¹³ Ne mid-insaan dan si Maria te, “Bayi, hengkey is idsineg̵ew nu?” Ne ke si Maria te, “Migkuwa te etew is lawa te Nengazen, ne wazè ku metueni ke hendei zan uwita!”

Juan 20:13 Кръстосани препратки

Lucas 24:17

Ne migkag̵i si Jesus diyà te kandan te, “Hengkey is edhisgutan niw te edhipanew?” Ne neketeren dan dutun ne egkeahà diyà te kebuvuked dan he utew zan egkeseeng.

Juan 19:26

Ne hein naahà ni Jesus is iney zin wey sikan is sumusundan he mahal ziyà te g̵ehinawa ni Jesus, migkeg̵iyan din is iney zin te, “Inà, iyan en heeyan anak nu.”

Juan 2:4

Ne ke si Jesus te, “Inà, kenè ka kedì mebayàbayà su wazè pa metuman is hustu he timpu te kebpaahaa ku te g̵ehem ku zini te menge etew.”

Juan 20:15

Ne migkeg̵iyan ni Jesus te, “Bayi, hengkey is idsineg̵ew nu? Hentei is ebpen-ahaan nu?” Ne kunaan ni Maria ke iyan sikandin sikan is ed-elima te menge pinemula zutun, umba migkag̵i te, “Mama, ke iyan ka migkuwa te lawa zin, keg̵iya nu ke hendei nu isavuk su egkuwaan ku.”

Juan 20:2

Ne tenged dutun, mibpelelag̵uy ne midhendiyà te ki Simon Pedro wey zuen te sevaha he sumusundan, sikan is mahal ziyà te g̵ehinawa ni Jesus. Ne migkeg̵iyan sikandan ni Maria te, “Is Nengazen tew he si Jesus, in-awè dan duen te midlevengan kandin ne wazè dey metueni ke hendei zan uwita.”

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”