Juan 20:1 - Manobo Western Bukidnon

¹ Ne zutun te egkerkeriwaswas en te andew he Duminggu, midhendutun te surung he penlevengà si Maria Megdelina te kemulu pa merusirem. Neehè din he naawà kes batu he inlekeb dutun te g̵emawan te surung.

Juan 20:1 Кръстосани препратки

Mateo 27:56

Ne zutun si Maria Megdelina, wey si Maria, sikan is iney ni Santiago wey ni Jose, ne elin daan sikan is esawa ni Sibidiyu.

Mateo 27:60

Ne zuen surung he penlevengà ni Jose he sikan pa mepasad he ingkalut diyà te kelendig̵an te pag̵ang. Ne zutun iseled ni Jose is lawa ni Jesus. Ne midlekevan din haazà is surung te zekelà he vatu ne mid-ewaan din.

Mateo 27:64

Umba, meupiya ke ebpeventayan nu te menge sundaru sikan is surung taman te iketelu he andew su kela ke tekawa is lawa zin te menge sumusundan din, ne egkeg̵iyen dan diyà te menge etew he nevanhew sikandin. Ne ed-iseg ebmezaat is ebpekesunud he kedlimbungi zan te menge etew.”

Mateo 27:66

Ne mibeyaan dan haazà ne midtuusan dan sikan is inlekeb he vatu zutun wey metuusi zan ke edwelengen te minsan hentei. Ne intag̵ak dan haazà is menge sundaru zutun he ibpevantey zan.

Mateo 28:1

Ne hein neiwas haazà is Andew te Kedhimeley te meg̵aan egkepawà dutun te andew he Duminggu, midhendiyà te penlevengà ensi Maria Megdelina wey kes duma zin, he Maria zaan is ngazan, su ed-ahaan dan sikan is surung.

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Marcos 15:46

Mibpemasa si Jose te meputì he malung ne migkuwa zin is lawa ni Jesus ne mibukusan din dutun te malung he meputì. Ne zuen surung he penlevengà he ingkalut diyà te kelendig̵an he pag̵ang. Ne zutun din iseled is lawa ni Jesus. Ne midlilizan din haazà te zekelà he vatu he idlekeb dutun te penlevengà.

Marcos 16:9

Ne te meselem pa utew zutun te andew he Duminggu hein nevanhew en si Jesus, midhuna sikandin mebpaahà diyà te ki Maria Megdelina, sikan is bahi he mibpeg̵uwaan din dengan te pitu he mezaat he mulin-ulin.

Juan 11:38

Ne zutun mid-iseg is kegkeseeng ni Jesus, ne mid-uvayan din haazà is midlevengan. Su haazà is penlevengà, surung diyà te pangpang. Duen inlekeb dutun he vatu te g̵emawan din.

Juan 11:41

Ne in-awè dan dutun haazà is batu he inlekeb te surung. Ne midlingahà si Jesus diyà te langit ne migkag̵i te, “Amey ku, ebpeselamat a kenikew su ebpemineg̵en nu is ebuyuen ku.

Juan 19:25

Ne zutun te uvey te krus ni Jesus, edhithitindeg is iney zin ne zutun daan sikan is suled he vahi te iney ni Jesus, wey si Maria kes esawa ni Kelupas, wey elin daan si Maria Megdelina.

Juan 20:26

Nekewalu pa zutun, nengetig̵um en maan haazà is menge sumusundan ni Jesus duen te netig̵uman dan ded he valey, ne zutun daan si Tomas. Midlekevan dan ded haazà is baley ne minsan pa zutun netekewtekew si Jesus mekehitindeg dutun te teliwazè dan. Ke sikandin te, “Berakat he mebmelinawen kew.”

Nengeulaula 20:7

Ne hein midsanlep en is andew zutun te andew he Sebadu midtig̵um key su wey zey metuman kes Wag̵as he Idlavung. Ne si Pablo, midweliyan din is menge etew ne taman te metaneb en is kezukileman te kedwali zin su zutun te egkepawà egenat sikandin.

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,