Juan 2:9 - Manobo Western Bukidnon

⁹ ne is edumala, migezaman din haazà is wahig he mibaluy en he vinu. Wazè din metueni ke hendei ebpuun haazà is binu asal netuenan te menge sulug̵uen he midsekilut dutun. Ne haazà is edumala, mid-umew zin haazà is ebpengesawa,

Juan 2:9 Кръстосани препратки

Mateo 27:34

Ne ibpeinum dan pezem si Jesus te vinu he mid-emutan te utew mepait, iyan, hein neg̵ezaman din en haazà ne wazè din leusa te ed-inum.

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Juan 2:8

Ne mid-uman megkag̵i si Jesus te, “Sekilut kew en wey uwita niw ziyà te edumala kayi te keemuran.” Ne mid-uwit dan,

Juan 4:46

Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.

Juan 7:17

Is etew he egkesuat he edtuman te ebpeveelan te Megbevayà, iyan egkesayud ke ziyè be ebpuun te Megbevayà is ibpenurù ku wey ke zini zè be ebpuun te isip ku.