Juan 2:4 - Manobo Western Bukidnon

⁴ Ne ke si Jesus te, “Inà, kenè ka kedì mebayàbayà su wazè pa metuman is hustu he timpu te kebpaahaa ku te g̵ehem ku zini te menge etew.”

Juan 2:4 Кръстосани препратки

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

Lucas 2:49

Ne midtavak si Jesus te, “Maan is ebpen-ahaan a keniyu? Wazè niw ve metueni he kinahanglan he zini a te valey te Amey ku?”

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 2:3

Ne naamin is binu he igastu zutun te eseweey, umba mibeyaan si Jesus te iney zin. Ne ke sikandin te, “Wazè dan en binu.”

Juan 20:13

Ne mid-insaan dan si Maria te, “Bayi, hengkey is idsineg̵ew nu?” Ne ke si Maria te, “Migkuwa te etew is lawa te Nengazen, ne wazè ku metueni ke hendei zan uwita!”

Juan 20:15

Ne migkeg̵iyan ni Jesus te, “Bayi, hengkey is idsineg̵ew nu? Hentei is ebpen-ahaan nu?” Ne kunaan ni Maria ke iyan sikandin sikan is ed-elima te menge pinemula zutun, umba migkag̵i te, “Mama, ke iyan ka migkuwa te lawa zin, keg̵iya nu ke hendei nu isavuk su egkuwaan ku.”

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Juan 7:6

Ne migkag̵i si Jesus diyà te kandan te, “Wazè pa metuman is hustu he timpu wey ku ikepaahà is menge vaal ku, iyan, sikiyu, layun niw egkeveeli is egkeisip niw he ebeelan niw.

Juan 7:8

Huna kew en diyà te pista. Kenè e pa edhendiyà su wazè pa metuman is kedì he timpu te kedhendiyà.”

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.