Juan 2:14 - Manobo Western Bukidnon

¹⁴ Ne ziyà te zekelà he simbahan he egngezanan te Valey te Megbevayà neehè din is ebpemelegyà te menge ibpemuhat he vaka, wey menge kerehidu, wey menge merepatik. Ne neehè din daan is ebpemenliwà te menge selapì he ziyà te lemisahan dan.

Juan 2:14 Кръстосани препратки

Marcos 11:15

Ne zutun te nekeuma si Jesus diyà te Hiruselim, ne midseled en maan sikandin diyà te simbahan he Valey te Megbevayà. Ne mibpenegseg din is menge limbungan he etew zutun he ebpemelegyà wey ebpememasa. Mibpemiley zin is menge lemisahan dutun te ebpemenliwà te menge selapì wey is menge pinuuwà te ebpemelegyà te ibpemuhat he merepatik.

Marcos 11:17

Ne mibpenurù din is menge etew zutun, ke sikandin te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan te langun he menge etew ziyà te minsan hendei he ginhedian.’ Ne sikiyù,” ke si Jesus, “nasì niw veeli he ubpeey te ebpemenlimbung.”

Juan 2:15

Ne mibaal sikandin te letigu he pisì ne mid-avug din pehendiyà te g̵awas dutun te Valey te Megbevayà is menge vaka wey kerehidu. Ne mibpemiley zin is menge lemisahan te ebpemenliwà te selapì, ne is selapì dan, mid-ulaan din.