Juan 2:11 - Manobo Western Bukidnon

¹¹ Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

Juan 2:11 Кръстосани препратки

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Juan 1:43

Ne hein mid-ilis he andew zutun neisip ni Jesus he edhendiyà te prubinsya he Geliliya. Mibeyaan din si Felipe ne ke sikandin te, “Duma ka kedì.”

Juan 1:50

Ne migkag̵i si Jesus te, “Ebpeketuu ke ve tenged dà te migkag̵i ku kenikew he neehè ku sikew ziyà te sihung te kayu he igira? Duen pa egkeehè nu keuzemà he lavew pa he egkein-inuwan.”

Juan 10:41

Mezakel he menge etew is midhendiyà te kandin su egkeisip dan he, “Minsan ke wazà egkein-inuwan he mibeelan dengan ni Juan, utew venar is langun he migkag̵i zin mehitenged ki Jesus.”

Juan 11:15

Ne tenged keniyu inmeupiya heini te g̵ehinawa ku te wazà a ziyà te kebpatey zin su zuen ibpeehè ku keniyu wey med-iseg is kedtuu niw kediey. Ne kuwa kiw en su edhendiyè kiw te kandin.”

Juan 11:47

Ne zutun midtig̵um te menge punuan he memumuhat wey menge Perisiyu is menge ebmeg̵urangen te menge Hudiyu. Ne hein netig̵um dan en, migkag̵i zan te, “Ebmenumenu kiw su heini si Jesus, mezakel is menge egkein-inuwan he ebeelan din.

Juan 12:18

Umba mibpemenelavuk ki Jesus is utew mezakel he menge etew su nezineg dan he mibanhew zin si Lazaro.

Juan 12:37

Minsan pa te mezakel is nengeehè dan he menge egkein-inuwan he mibeelan din, wazè dan sikandin tuuwi.

Juan 12:41

Umba migkag̵i ni Esaias haazà is menge lalag su netuenan din dengan he utew zekelà is gehem ni Jesus, ne iyan si Jesus egkeg̵iyen din dutun.

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 16:27

su utew kew mahal ziyà te g̵ehinawa te Amey ku tenged te mahal a zaan diyà te g̵ehinawa niw wey tenged daan te midtuu kew he ziyà a ebpuun te Amey ku he Megbevayà.

Juan 16:30

Nesavut dey en he netuenan nu is langun su minsan is id-insà kenikew, kenè en kinahanglan he egkeg̵iyen pa su netuenan nu en he zaan, umba edtuuwan dey en he sikew, diyà ka ebpuun te Megbevayà.”

Juan 2:1

Ne nekezuwa zutun duen eseweey ziyà te inged he Kana he ziyà te prubinsya he Geliliya, ne midtelavuk is iney ni Jesus.

Juan 2:23

Ne zutun te timpu te Pista te Kedlevayi hein diyè pa ensi Jesus te inged he Hiruselim, mezakel is nemeketuu kandin su neehè dan is menge egkein-inuwan he midhimu zin.

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Juan 4:46

Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.

Juan 4:54

Iyan heini ikezuwa he egkein-inuwan he mibeelan ni Jesus. Mibeelan din heini zutun te kedlikù din diyà te prubinsya he Geliliya he ebpuun sikandin te prubinsya he Hudiya.

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Juan 6:14

Ne hein naahà te menge etew is egkein-inuwan he nehimu ni Jesus migkag̵i zan te, “Tutuu ves iyan he iyan en heini sikan is netagnà he ebpeneuven te Megbevayà he ibpehendini zin te kelibutan!”

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.

Juan 6:26

Ne midtavak si Jesus te, “Benar is egkeg̵iyen ku keniyu he, umba ebpen-ahaan a keniyu kenà tenged te tutuu is kedsavut niw te menge egkein-inuwan he nengeehè niw, kekenà, tenged te nengehantey is getek niw te supas he nekaan niw g̵evii.

Juan 6:30

Ne zutun migkeg̵iyan dan en maan te, “Hengkey is egkein-inuwan he igkepeehè nu kenami wey key meketuu kenikew?

Juan 7:31

Duen mezakel he menge etew he nemeketuu he iyan si Jesus kes netagnà he hadì he mibpilì te Megbevayà. Ke sikandan te, “Iyan si Jesus sikan is hadì su wazà duma he ebpekevaal te lavew pa he menge egkein-inuwan duen te mibeelan din.”

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.

2 Kurintu 3:18

Ne, menge suled, sikitew is langun, nesavut tew en he utew lavew is gehem te Nengazen tew, ne wazà ebpekealang te kedsevuta tew kayi. Ne pinaag̵i kayi te g̵ehem he ebpuun te Nengazen he iyan kes Wag̵as he Mulin-ulin, edhimuwen kiw zin he iring te kandin ne layun ed-iseg heini is gehem.

2 Kurintu 4:17

Ne heini is menge kemeresayan he egkeantus dey g̵untaan, ne meg̵aan dà utew, iyan, tenged te ked-antus dey kayi zuen egkeperateng dey he utew zekelà he kegkelavew he ibeg̵ey kenitew keuzemà. Ne kenà ebpekesusuluwan is kemeresayan he egkeantus dey kayi te utew zekelà he wazè din pidtemanan he kegkelavew.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.