Juan 19:7 - Manobo Western Bukidnon

⁷ Ne migkag̵i ziyà te kandin haazà is menge Hudiyu te, “Sumalà te kesug̵uan dey, kinahanglan he edhimetayan heini he etew su midsupak din is kesug̵uan su migkag̵i zin he iyan sikandin sikan is Anak te Megbevayà.”

Juan 19:7 Кръстосани препратки

Marcos 15:39

Ne is egalen dutun te menge sundaru he edhithitindeg dutun te egkesineruwan ni Jesus, hein neehè din haazà is kegkevidtawi ni Jesus, ke sikandin te, “Benar he Anak heini te Megbevayà!”

Juan 19:8

Ne te kegkezineg̵a ni Pilatu kayi, mid-iseg is kegkehandek din,

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Nengeulaula 18:13

Ke sikandan te, “Heini he etew, ibpesimba zin is menge etew te Megbevayà te paag̵i he supak te velaud tew.”

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.