Juan 19:42 - Manobo Western Bukidnon

⁴² Ne g̵eina te egkezeg̵usu zan su iyan haazà andew te kedteg̵ana te pista, wey g̵eina te uvey zà daan dutun te midrensangan ki Jesus, ne zutun dan isavuk haazà is lawa zin.

Juan 19:42 Кръстосани препратки

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Juan 19:14

Ne neudtu en dutun. Ne haazà he andew, iyan andew te kedteg̵enahi zan te Pista te Kedlevayi. Ne zutun migkag̵i si Pilatu ziyà te menge Hudiyu te, “Heini en sikan is hadì niw!”

Juan 19:20

Mezakel he menge Hudiyu is nemekevasa zutun su uvey te inged he Hiruselim haazà is midrensangan ki Jesus. Tetelu he kineg̵iyan is kedsurata zutun: Linatin, kineg̵iyan he Gerisyahanen, wey kineg̵iyan he Hibriyuhanen.

Juan 19:31

Mahapun haazà ne iyan andew te kedteg̵anaha te Pista te Kedlevayi. Is menge punuan he menge Hudiyu, midhendiyè dan te ki Pilatu ne midhangyù dan he ipepenlepui zin is menge paa zuen te impenransang te krus wey mebpematey su wey mehimu he ikeawà is menge lawa zan puun te krus te kenè pa Andew te Kedhimeley. Su haazà he Andew te Kedhimeley, utew mahal he andew ziyà te menge Hudiyu.

Juan 19:41

Ne ziyà te uvey te midrensangan ki Jesus duen lugar he mibpememulaan te kayu. Ne zuen dutun surung he penlevengà he sikan pa mepasad he wazè pa melevengi.

Nengeulaula 13:29

Ne hein nengeulaula en te menge tigHiruselim kes langun he netagnà dengan he ibpeulaula zan kandin, in-awè dan is lawa zin dutun te krus he midrensangan dan kandin ne inleveng dan.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.

Kulusas 2:12

Ne tenged kayi inleveng kew zuma kandin dutun te kebewtismuwi keniyu, ne nevanhew kew zaan duma kandin su nekidsevaha kew kandin tenged te midtuuwan niw he mekeg̵eg̵ehem is Megbevayà. Iyan sikandin sikan is mibanhew ki Kristu.