Juan 19:3 - Manobo Western Bukidnon

³ Ne mid-uvayan dan su ebelvelayen dan. Ke sikandan te, “Kumusta ka, sikew is hadì te menge Hudiyu!” Ne midsumbag dan sikandin.

Juan 19:3 Кръстосани препратки

Mateo 26:49

Ne hein nekeuma si Hudas, segugunè din mid-uvayi si Jesus ne migkag̵i te, “Na! Menunudlù!” Ne zutun midhezekan din si Jesus.

Mateo 27:29

Ne zutun mibengkulè dan te zug̵iyen he g̵awed he igkuruna zan ki Jesus ne insuup dan haazà diyà te ulu zin. Ne is kewanan he velad din, impeg̵awed dan te tuked ne midluhud dan diyà te etuvangan din is edtahud kun uvag kandin. Ne ke sikandan te, “Kumusta, Hadì te menge Hudiyu!”

Marcos 15:18

Ne edtahud dan uvag kandin, ke sikandan te, “Kumusta ka is hadì te menge Hudiyu!”

Lucas 1:28

Ne nekeuma is belinsug̵uen diyà te ki Maria ne ke sikandin te, “He Bayi, ingkehizu ka te Megbevayà ne ed-ipaten ke zin!”

Juan 18:22

Ne te nekag̵i ni Jesus haazà, midsumbag sikandin te sevaha he pulis he edhithitindeg dutun te uvey zin ne migkag̵i haazà is pulis te, “Maan is nekeg̵ehem ka he edtavak te iring keniyan diyà te lavew he memumuhat?”

Juan 18:33

Ne midseled si Pilatu zutun te turug̵an ne mid-umew zin si Jesus. Ne migkag̵i si Pilatu te, “Hadì ke ve te menge Hudiyu?”