Juan 19:19 - Manobo Western Bukidnon

¹⁹ Duen insurat ni Gubirnedur Pilatu he impezeket dan dutun te zivavew te krus. Is menge lalag he insurat, edhenduen te, “Si Jesus he TigNeserit he Hadì te Menge Hudiyu.”

Juan 19:19 Кръстосани препратки

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 27:37

Ne ziyà te zivavew te ulu zin, impezeket dan is surat he iyan sikan is hinungdan te insumbunga kandin he edhenduen te, “Iyan heini si Jesus, sikan is Hadì te menge Hudiyu.”

Marcos 15:26

Insurat dan sikan is insumbunga kandin he egkag̵i te, “Is Hadì te Menge Hudiyu.”

Lucas 18:37

Ne zuen migkag̵i ziyà te kandin te, “Iyan si Jesus he tigNeserit is edsag̵ad.”

Lucas 23:38

Ne impezeket dan is surat te zivavew zin diyà te krus he edhenduen haazà is surat te, “Iyan heini sikan is Hadì te menge Hudiyu.”

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Juan 18:33

Ne midseled si Pilatu zutun te turug̵an ne mid-umew zin si Jesus. Ne migkag̵i si Pilatu te, “Hadì ke ve te menge Hudiyu?”

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”

Juan 19:14

Ne neudtu en dutun. Ne haazà he andew, iyan andew te kedteg̵enahi zan te Pista te Kedlevayi. Ne zutun migkag̵i si Pilatu ziyà te menge Hudiyu te, “Heini en sikan is hadì niw!”

Juan 19:21

Ne zutun migkag̵i haazà is menge punuan he menge memumuhat diyà te ki Pilatu te, “Deyzey ke wazè nu pezem isurat is ‘Hadì te Menge Hudiyu.’ Iyan nu isurat is, ‘Migkag̵i heini is etew he hadì sikandin te menge Hudiyu.’ ”

Juan 19:3

Ne mid-uvayan dan su ebelvelayen dan. Ke sikandan te, “Kumusta ka, sikew is hadì te menge Hudiyu!” Ne midsumbag dan sikandin.

Nengeulaula 26:9

Ne siak, kunaan ku zengan ke iyan ebpeveelan kedì te Megbevayà is ed-ul-ulahan ku is taman te egkehimu ku su wey maawà diyà te minsan hentei is kedtuu zan ki Jesus he tigNeserit.

Nengeulaula 3:6

Ne migkag̵i si Pedro te, “Wazè ku naazen he vulawan wey selapì, iyan, is naazen ku, ibeg̵ey ku kenikew. Tenged te g̵ehem te ngazan ni Jesu Kristu he tigNeserit, ebpekehipanew ka!”