Juan 19:18 - Manobo Western Bukidnon

¹⁸ Ne zutun inransang si Jesus te menge sundaru. Ne zuen pa zezuwa he inransang dan daan diyà te krus. Impasek dan is krus te sevaha ziyà te egkeg̵ivang, ne is sevaha, diyà te egkekewanan, ne ziyà te teliwazà si Jesus.

Juan 19:18 Кръстосани препратки

Mateo 27:44

Ne minsan sikan is menge tulisan he inransang diyà te pesikilizè din, ne midsumpalit dan daan sikandin.

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)

Juan 19:32

Ne midsug̵ù din is menge sundaru. Ne mibeyaan dan ne mibpenlepuan dan is menge paa zuen te sevaha he inransang duma ki Jesus, ne human dan sikan is sevaha pa.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Gelasya 3:13

Minsan pa te nesupak te en is kesug̵uan, nelibri ki ni Jesus te silut su midrewakan en si Jesus he elili kenitew zutun te kedrensanga kandin te krus, su zuen insurat he Lalag te Megbevayà he edhenduen te, “Ke zuen etew he edhimetayan ne idtaud te impasek he kayu ne tuus heini te rawak kandin te Megbevayà.”

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.