Juan 19:1 - Manobo Western Bukidnon

¹ Ne zutun insug̵ù ni Pilatu he ipevug̵el si Jesus.

Juan 19:1 Кръстосани препратки

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

Lucas 18:33

Ebug̵elen e zan, ne human e zan edhimetayi. Iyan, seled te tetelu he andew zutun ne ebenhawen a te Megbevayà,” ke si Jesus.

Lucas 23:16

Ne ibpevug̵el ku zà sikandin ne ibpeg̵awas ku en.”

Lucas 23:23

Ne zutun mid-iseg is kebpememensag dan he ibperansang dan si Jesus diyà te krus. Ne hein neug̵et kenè en ebpeketigker si Pilatu,

2 Kurintu 11:24

Kelelima e en bug̵ela te menge Hudiyu te menge ketluan wey siyew he lagkut.

Hibriyuhanen 11:36

Duen pa tumutuu zengan he utew mid-eled-eled ne mibug̵el, ne is duma pa ne midhiketan ne mibpirisu.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.