Juan 18:38 - Manobo Western Bukidnon

³⁸ Ne zutun migkag̵i si Pilatu te, “Meupiya pezem ke zuen netau te tutuu he tuluuwen.” Ne zutun te nekag̵i zin heini, midlawang en maan si Pilatu ziyà te menge Hudiyu ne ke sikandin diyà te kandan te, “Wazè ku egketuenan he salè din.

Juan 18:38 Кръстосани препратки

Mateo 27:24

Ne zutun nesavut ni Pilatu he wazè en pulus te menge lalag din su ebpuunè en edsinamuk is menge etew, ne tenged dutun, migkuwa sikandin te wahig ne mibpenlùlù te velad din dutun te etuvangan te menge etew, ne ke sikandin te, “Keniyu he salà heini. Is lengesa kayi te etew, ne ziyè dà te keniyu he velad; lumpiyu is kedì.”

Marcos 15:14

Ne ke si Pilatu te, “Maan? Duen be mezaat he mid-ulaula zin?” Iyan, mid-iseg is keg̵urub dutun te menge etew he ebpememensag te, “Iransang te krus!”

Lucas 23:4

Ne zutun migkag̵i si Pilatu ziyà te menge punuan he memumuhat wey menge etew te, “Wazà netuenan ku he engayan he idsiluti kayi te etew,” ke sikandin.

Juan 18:33

Ne midseled si Pilatu zutun te turug̵an ne mid-umew zin si Jesus. Ne migkag̵i si Pilatu te, “Hadì ke ve te menge Hudiyu?”

Juan 19:4

Ne zutun midlawang en maan si Pilatu ne migkeg̵iyan din haazà is menge Hudiyu te, “Ibpelawang ku en maan sikandin dini te etuvangan niw su wey niw metueni he wazè ku naahà he salà he neveelan din.”

Juan 19:6

Ne is menge punuan he memumuhat wey is menge pulis, hein neehè dan si Jesus, mibpememensag dan te, “Himetayi, iransang te krus!” Ne midtavak si Pilatu te, “Iyan kew medransang kandin te krus su siak, wazè ku egketuenan he salè din!”

Nengeulaula 17:32

Ne hein nezineg dan haazà is kegkevanhew he nekag̵i ni Pablo, is duma zutun midsumpalit dan sikandin. Iyan, duen duma he egkag̵i te, “Likù ka kayi su egkesuat key pa he ebpemineg te kedseysaya nu kayi.”

1 Pedro 1:19

Iyan imbelukas din si Kristu he impelengesa he utew mevali. Iring sikandin te nati he kerehidu he wazà igkesawey zuen he impemuhat.