Juan 18:30 - Manobo Western Bukidnon

³⁰ Ne midtavak is menge punuan te, “Emun kenà selaan heini, kenè dey pezem id-etuvang kenikew.”

Juan 18:30 Кръстосани препратки

Marcos 10:33

Ke sikandin te, “Netuenan niw he edhendiyè kiw te Hiruselim ne emun ebpekeuma kiw zutun, siak is Kakey te Menusiyà, ibpalad a ziyà te menge punuan he menge memumuhat wey menge menunudlù te kesug̵uan. Ne egkeuyun dan he ebpehimetayan a ne ibpalad e zan daan diyà te menge etew he kenà menge Hudiyu.

Marcos 15:3

Ne is menge punuan te memumuhat, mezakel is menge sumbung dan mehitenged ki Jesus.

Lucas 24:7

su migkag̵i zin he sikandin is Kakey te Menusiyà, ne ibpalad diyà te menge lalung he etew ne idransang sikandin diyà te krus ne seled te tetelu he andew ne egkevanhew sikandin.”

Juan 18:29

Tenged dutun migawas si Gubirnedur Pilatu ziyà te kandan ne ke sikandin te, “Hengkey is idsumbunga niw kayi te etew?”

Juan 18:31

Ne midtavak si Pilatu te, “Kuwaa niw sikandin dini su iyan kew susi kandin sumalà is ibpenurù te kesug̵uan niw.” Ne migkag̵i is menge Hudiyu te, “Wazà itug̵ut kenami te velaud niw te menge Rumanu is kedhukum te kemetayen.”

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.

1 Pedro 4:15

Kinahanglan he kenè niw iyan igkerasey is kedsiluti keniyu tenged te kebpemumunù, kebpemenakew, ked-ulaula te minsan hengkey he mezaat, wey te kebpenhilavet dutun te wazè niw ketenged.