Juan 18:28 - Manobo Western Bukidnon

²⁸ Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Juan 18:28 Кръстосани препратки

Mateo 27:27

Ne zutun impeseled si Jesus te menge sundaru zutun te turug̵an te gubirnedur. Ne netig̵um diyà te kandin is tivuuk he kumpeniya te menge sundaru.

Marcos 15:16

Ne zutun impeseled si Jesus te menge sundaru zutun te turug̵an te gubirnedur. Ne midtig̵um dan is tivuuk he kumpeniya te menge sundaru.

Lucas 22:66

Ne hein nepawà dutun, netig̵um is langun he menge ebmeg̵urangen te menge Hudiyu wey is menge punuan he menge memumuhat, wey is menge menunudlù te kesug̵uan, ne impeetuvang kandan si Jesus.

Juan 11:55

Meg̵aan en dutun is pista te menge Hudiyu he egngezanan te Kedlevayi, ne te wazè pa meuma haazà is pista, ne mezakel he menge etew is nemenekezeg diyà te Hiruselim he ebpemuun te menge zuma he inged su edtumanen dan is tuluuwen te menge Hudiyu te kebpelumpiyu.

Juan 18:13

Ne midhunaan dan uwita sikandin diyà te ki Anas su enug̵ang si Anas ni Keyipas te lavew he memumuhat dutun he tuig.

Juan 18:15

Si Pedro wey is sevaha pa he sumusundan, edteltelukun dan ki Jesus. Ne haazà he sumusundan, nekilala sikandin te lavew he memumuhat ne tenged dutun miduma ki Jesus ne midseled dutun te lama te valey te lavew he memumuhat.

Juan 18:33

Ne midseled si Pilatu zutun te turug̵an ne mid-umew zin si Jesus. Ne migkag̵i si Pilatu te, “Hadì ke ve te menge Hudiyu?”

Juan 18:39

Ne zini te keniyu te menge Hudiyu, duen betasan niw he emun Pista te Kedlevayi, ibpaawà ku is sevaha he egkesuatan niw he pirisu. Egkesuatan niw ve he ibpaawè ku heini is hadì niw te menge Hudiyu?”

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 19:14

Ne neudtu en dutun. Ne haazà he andew, iyan andew te kedteg̵enahi zan te Pista te Kedlevayi. Ne zutun migkag̵i si Pilatu ziyà te menge Hudiyu te, “Heini en sikan is hadì niw!”

Juan 19:9

ne midseled en maan sikandin dutun te turug̵an ne ke sikandin diyà te ki Jesus te, “Hendei ka ebpuun?” Ne wazà dutun medtavak si Jesus.

Nengeulaula 10:28

Ne migkeg̵iyan din sikandan te, “Netuenan niw en he sikami is menge Hudiyu, indawey kenami te tuluuwen dey is kebpekiduma wey kebpenumbaley ziyà te iring keniyu te kenà menge Hudiyu. Iyan,” ke si Pedro, “impesavut kedì te Megbevayà he kenè din egkesuatan he isipa ku he meremerik is minsan hentei su edewaten din is langun.

Nengeulaula 10:32

Ne g̵untaan ipaangey nu te menge sulug̵uen nu ziyà te inged he Hupi is etew he egngezanan ki Simon Pedro. Diyà ed-ubpà te valey te etew he Simon daan is ngazan din he mememaal te g̵elemiten puun te lundis. Diyà te veyvey is baley zin.’

Nengeulaula 11:3

Ne ke sikandan te, “Maan is sikew he Hudiyu, nenumbaley ka ziyà te menge etew he kenà menge Hudiyu he wazà mesirkunsidar ne mibpekidtug̵en ka zaan kandan?”

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,

Nengeulaula 4:27

Na,” ke sikandan is ed-ampù te, “netuman en kes migkag̵i nu su zini te Hiruselim mid-uyun is menge Hudiyu wey is kenà menge Hudiyu su si Hadì Hirudis wey si Gubirnedur Pilatu, nesevaha zan he ebpekigkuntada ki Jesus he pinilì nu he sulug̵uen he ibpahadì nu.