Juan 18:15 - Manobo Western Bukidnon

¹⁵ Si Pedro wey is sevaha pa he sumusundan, edteltelukun dan ki Jesus. Ne haazà he sumusundan, nekilala sikandin te lavew he memumuhat ne tenged dutun miduma ki Jesus ne midseled dutun te lama te valey te lavew he memumuhat.

Juan 18:15 Кръстосани препратки

Mateo 26:3

Ne zutun is menge punuan he memumuhat wey is ebmeg̵urangen te menge Hudiyu, midtig̵um dan diyà te turug̵an ni Keyipas he lavew he memumuhat

Marcos 14:54

Ne si Pedro, midtinundug daan asal kenà utew ed-uvey ne ziyè dà medtaman te lama zutun te valey te lavew he memumuhat. Ne mibpinuu sikandin dutun is ed-amur ziyà te menge guwardya ne midhizazang diyà te hapuy zutun.

Lucas 22:54

Ne zutun midakep dan si Jesus ne mid-uwit dan diyà te valey te lavew he memumuhat. Ne si Pedro, midtinundug daan asal kenà utew ed-uvey.

Juan 18:24

Ne zutun impeuwit ni Anas si Jesus he mibakus diyà te ki Keyipas he iyan tutuu he lavew he memumuhat.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.