Juan 17:9 - Manobo Western Bukidnon

⁹ Edhengyuan ku sikew tenged kandan; kenè ku sikew edhengyuan he tevangi nu is menge etew he kenà edtuu kedì, kekenà, edhengyuan ku sikew he tevangi nu is menge etew he imbeg̵ey nu kediey su kenikew zaan sikandan.

Juan 17:9 Кръстосани препратки

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Lucas 8:34

Ne zuen menge maama he ebpemen-elima zutun te menge vavuy; ne hein neehè dan is nehitavù, ne henduen dan te midhiyup he vulvul is nemelag̵uy ne mibpenudtul zan diyà te inged wey ziyà te menge unayan is neulaula.

Juan 14:16

ne edhengyuan ku is Amey ku su wey zin ikeveg̵ey keniyu is Menenavang he ed-ilis kediey he kenà edsuwey keniyu te minsan keenu.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 17:20

Edhengyuan ku sikew kenà tenged dà kayi te menge g̵aked ta g̵untaan, kekenà, tenged daan te langun he edtuu kediey keuzemà pinaag̵i te kedwali zan.

Juan 17:6

Is menge etew he imbeg̵ey nu kediey zini te kelibutan, impesavut ku kandan ke hentei ka. Kenikew sikandan he zaan ne imbeg̵ey nu kediey ne midtuman dan en is insug̵ù nu kandan.

Juan 6:37

Is langun he menge etew he ibeg̵ey kediey te Amey ku he Megbevayà, ebpekesundan dan kediey, ne is edsundan kediey, edewaten ku.

Juan 6:39

Ne is Amey ku he Megbevayà he midsug̵ù kediey, iyan din egkesuatan is: edlig-enan ku is langun he menge etew he imbeg̵ey zin kediey su wey wazà minsan sevaha kandan he kenà egkeveg̵ayan te untung. Ne ebenhawen ku sikandan keuzemà dutun te ketepusan he andew.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Hibriyuhanen 9:24

Dutun te kebpemuhat ni Kristu, wazè sikandin medseled diyà te utew mahal he rug̵u te simbahan he zini te kelibutan su alung dà heini te tutuu he simbahan he ziyà te langit. Iyan midselezan din kes tutuu he simbahan he ziyà te langit ne g̵untaan iyan sikandin datù tew he edtavang kenitew ziyà te etuvangan te Megbevayà.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 20:15

Is minsan hentei zutun he wazà ilista is ngazan din diyà te libru te untung, in-agbur zaan sikandin diyà te ranew he egkeregreg.