Juan 17:4 - Manobo Western Bukidnon

⁴ Dini te kelibutan, impeehè ku is utew zekelà he bentug̵an nu su is menge vaal he insug̵ù nu kediey, nepasad ku en.

Juan 17:4 Кръстосани препратки

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Juan 12:28

Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 14:31

iyan, is ed-ul-ulahan ku g̵untaan, ne iyan insug̵ù kediey te Amey ku he Megbevayà. Edtumanen ku heini su wey metueni te menusiyà he mahal zini te g̵ehinawa ku is Amey ku. Ne kuwa kew en su ed-awè kiw kayi.”

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 19:30

Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 5:36

Iyan, duen kebpenistig̵us he lavew pa kenà is ki Juan, su is langun he mibpeveelan kediey te Amey ku he Megbevayà he ed-ul-ulahan ku, iyan edtistig̵us he midsug̵ù a te Amey ku he Megbevayà.

Juan 9:3

Ne midtavak si Jesus te, “Kenà tenged te salè din is kegkelakap din wey kenà daan tenged te salà te amey zin wey iney zin, kekenà, iyan ingkelakap din su wey ikepaahà pinaag̵i kandin is gehem te Megbevayà.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

2 Timoteo 4:7

Nepasad ku en is kebenggaa kedì te Megbevayà; nekeuma ad te edungguan te edlumbà. Hustu is ked-ikula ku te tutuu he tuluuwen.