Juan 16:33 - Manobo Western Bukidnon

³³ Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 16:33 Кръстосани препратки

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Lucas 19:38

Ke sikandan is edalig te, “Delig̵a is hadì he ebpekeuma he midsug̵ù te Nengazen! Melinew en is kedepitè tew te Megbevayà! Delig̵a is Megbevayà diyà te langit!”

Lucas 2:14

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”

Juan 12:31

Is Megbevayà, puun guntaan edhukuman din te silut is tivuuk he menusiyà he kuntada zin, ne egkezaag din en si Setanas, sikan is ebayàbayà dini te kelibutan.

Juan 14:1

“Kenà mebmesakit is gehinawa niw,” ke si Jesus, “kekenà, sarig kew te Megbevayà ne sarig kew zaan kediey.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Juan 16:11

Ibpesavut din is kedsiluti kandan te Megbevayà su si Setanas he egalen dan te menge kuntada te Megbevayà, midhukuman en te silut.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Nengeulaula 27:22

Ne edhengyuan ku sikiyu g̵untaan he kenè kew mahandek su wazà minsan sevaha kenitew he egkepatey, iyan dà egkezeetan heini is barku.

Nengeulaula 27:25

Umba,” ke si Pablo, “kenè kiw egkehandek, su ebpekesarig a te Megbevayà he sumalà is impesavut din kediey, iyan egkehitavù kenitew.

Nengeulaula 9:31

Ne zutun mibmelinew is kebpekesavuk te langun he menge tumutuu ki Jesus diyà te prubinsya he Hudiya, wey Semarya wey Geliliya. Neheg̵et is kedtuu zan ne tenged te layun dan ibpehuna is kedtahud dan te Nengazen wey tenged te kedtavang kandan te Wag̵as he Mulin-ulin mid-iseg dan mebmezakel.

2 Kurintu 1:3

Edelig̵en tew is Megbevayà he iyan Amey te Nengazen tew he si Jesu Kristu; iyan sikandin hihizuwen he Amey tew wey puunà te minsan hengkey he tavang kenitew.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

2 Kurintu 4:7

Ne sikami, iring key zà te kuzen he ziniyun he neteg̵uan te utew mahal. Ne pinaag̵i kayi egkesavut te menge etew he is utew zekelà he gehem he egemiten dey te utew meg̵uyà is lawa, ne in-ulin kenami te Megbevayà ne kenà dini ebpuun te kenami.

2 Kurintu 6:4

Ne umba ebpurungan dey is ulaula zey su wey zey ikepaahà he menge sulug̵uen key te Megbevayà te minsan hengkey he paag̵i. Ne tenged kayi ed-antus key te minsan hengkey he kemereg̵enan, kemeresayan, wey menge samuk.

2 Kurintu 7:4

Utew zekelà is kedsarig ku keniyu; dekelà layun is kebpekezalig ku keniyu. Ne tenged kayi minsan pa te mezakel is menge seeng dey, meupiya g̵ihapun is g̵ehinawa ku; utew zekelà is kelipey ku tenged keniyu.

Gelasya 1:4

Si Kristu, imbelavag din is untung din su wey mepalis is menge salè tew su wey kiw melibri, ne kenè tew meiringi is menge etew he ed-ulaula te mezaat te g̵untaan he timpu kayi te kelibutan. Umba mibeelan heini ni Kristu su edtumanen din is egkesuatan te Amey tew he Megbevayà.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Pilipus 4:7

Ne zutun wazà samuk diyà te isip niw wey g̵ehinawa niw su pinaag̵i te kebpekidsevaha niw ki Jesu Kristu ibeg̵ey keniyu te Megbevayà is melinawen he g̵ehinawa he kenà egkesavut te minsan hentei he etew.

Kulusas 1:20

Ne egkesuatan din daan he pinaag̵i te Anak din meked-uliey te meupiya he kedepità sikandin wey is minsan hentei zini te tanà wey ziyà te langit. Ne pinaag̵i te kedtig̵is duen te lengesa te Anak din diyà te krus egkehimu he menge emig̵u zin is minsan hentei.

1 Tiselunika 3:4

Hein diyan key pa te keniyu migkeg̵iyan dey sikiyu he zuen timpu he egkeumahan kiw te kemeresayan, ne netuenan niw g̵untaan he netuman en.

1 Tiselunika 3:7

Ne tenged kayi, menge suled, minsan neseeng key wey nemereg̵enan key, utew key nelipey tenged keniyu wey tenged te kedtuu niw.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

2 Timoteo 3:12

Ne is langun he tumutuu ki Jesu Kristu he egkesuatan dan he pinaag̵i kandin metuman dan is egkesuatan te Megbevayà, edresayen sikandan te menge kuntada te Megbevayà.

Hibriyuhanen 11:25

Su iyan din midtumù he merasey sikandin duma te menge etew he sakup te Megbevayà, kenà te kedlipey pinaag̵i te menge salà dini te kelibutan he egkehitavù te mevavè dà he timpu.

Hibriyuhanen 7:2

Ne si Abraham, imbeg̵ey zin diyà te ki Milkisidik is ikesepulù he vahin te langun he nengetavan din. Ne heini is ngazan he Milkisidik, dezuwa is kehulug̵an din. Is egkehuna ne “hadì he ebpekeveg̵ey te ketazeng.” Ne tenged te hadì sikandin te inged he Selim, he ke và dà egkeg̵iya, kelinew, elin daan kehulug̵an din is “hadì he ebpekeveg̵ey te kelinew.”

1 Pedro 5:9

Sukuli niw sikandin, ne hamen kew sarig te Megbevayà su netuenan niw he is menge zuma niw he tumutuu zini te tivuuk he kelibutan, ebpekeantus dan daan te merasey he iring te egkeantus niw.

1 Juan 2:13

Sikiyu is menge meg̵urang, umba ebpesuratan ku sikiyu su nehimu kew en he menge emig̵u ni Kristu. Daan en sikandin te wazè pa limbag̵a is minsan hengkey. Sikiyu is menge menguhed, ebpesuratan ku sikiyu su nezaag niw en si Setanas.

1 Juan 4:4

Sikiyu, menge anak ku, gaked kew en te Megbevayà ne nezaag niw en is menge teruen he mulin-ulin su lavew pa he mekeg̵eg̵ehem is Megbevayà he ziyà ed-ubpà te kenitew, kenà si Setanas he ziyà ed-ubpà te menge etew zini te kelibutan he kuntada te Megbevayà.

1 Juan 5:4

su sikitew is langun he nehimu en he menge anak te Megbevayà, egkezaag tew en si Setanas he iyan ebayàbayà dini te kelibutan; ne iyan ibpekezaag tew kandin is kedtuu tew ki Jesus.

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Impezayag 7:14

Ne midtavak a te, “Iyan ka nesayud.” Ne ke sikandin te, “Heini is menge etew, ebpemekeuma sikandan he ebpuun dutun te zekelà he kemeresayan diyà te lumpad te kelibutan. Mibpemìpian dan is menge bisti zan diyà te lengesa te nati he kerehidu wey zan mehimu he meputì, he ke và dà egkeg̵iya, nepalis en is menge salè dan.