Juan 16:32 - Manobo Western Bukidnon

³² Egkesipeg̵an en is timpu he zutun ebpekedsusuwey kew is langun; ed-ulì is kada sevaha keniyu ziyà te ed-ubpaan din ne egkeewaan a. Ne minsan pa zutun duen ku pa zuma su iyan duma ku is Amey ku he Megbevayà.

Juan 16:32 Кръстосани препратки

Mateo 26:31

Ne zutun migkag̵i si Jesus diyà te kandan te, “Is langun te sikiyu, ne edluyahan is kedsarig niw kediey g̵untaan te mezukilem tenged te egkehitavù kedì; su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Marcos 14:27

Ne migkeg̵iyan ni Jesus haazà is menge sumusundan din te, “Is langun te sikiyu, edluyahan is kedsarig niw kediey su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Marcos 14:50

Ne zutun mid-ewaan sikandin te menge sumusundan din su mibpemelag̵uy zan.

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 16:25

Migamit ku is menge sempità te kebpenurua ku keniyu, iyan, meg̵aan en egkeuma is andew he kenè en maan menge sempitè pa is egemiten ku su zutun, melemu niw en he egkesavut is egkeg̵iyen ku. Ne zutun utew niw egkekeleduwi is egkeg̵iyen ku keniyu mehitenged te Amey ku he Megbevayà.

Juan 16:31

Ne migkag̵i kandan si Jesus te, “Human kew ves meketuu?

Juan 19:27

Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Juan 20:10

Ne zutun mid-ulì haazà is dezuwa he sumusundan.

Juan 4:21

Ne migkag̵i si Jesus te, “Benar, Bayi, is egkeg̵iyen ku kenikew he egkeuma is timpu he kenè en maan dini zà te vuntud wey minsan diyà te Hiruselim ed-ezapa is Amey tew he Megbevayà.

Juan 4:23

Duen ebperetengen he timpu ne netuman en guntaan he is menge etew he egkesuat he ed-azap te Amey tew he Megbevayà, ne kinahanglan he ezapa zan pinaag̵i te g̵ehem te Wag̵as he Mulin-ulin wey tutuu is ked-ezapa zan kandin. Iyan heini menge etew he edewaten te Megbevayà wey zan mekeazap kandin.

Juan 5:25

Utew venar is egkeg̵iyen ku keniyu he egkeuma is andew ne neume en guntaan he siak is Anak te Megbevayà, egkezineg te menge etew he wazè pa meveg̵ayi te untung is menge lalag ku kandan, ne haazà is ebpemineg, ebeg̵ayan ku te untung he wazà pidtemanan.

Juan 5:28

Kenà kew meinuinu kayi su egkeuma is andew keuzemà he zutun is langun he menge minatey, egkezineg dan is ked-umawa ku kandan

Juan 8:16

Ne minsan ke zuen ibpezayag ku he kedhukum, egkeserig̵an mulà is kedì su kenà kediey zà he kedhukum, kekenà, hukum he ziyà ebpuun te Megbevayà he iyan midsug̵ù kediey.

Juan 8:29

Ne is Amey ku he midsug̵ù kedì, duma ku zaan; kenè e zin ed-ewaan su kenà a ed-engked he edtuman te egkesuatan din.”

Nengeulaula 21:6

Ne zutun mibpepempemezeey key ne mid-untud key en maan te barku ne sikandan mulà, midlikù dan diyà te inged.

Nengeulaula 8:1

Ingkesuat utew ni Seulu is kedhimetayi zan ki Esteban. Ne inleveng si Esteban te menge tumutuu te Megbevayà. Utew zan ingkeseeng haazà ne midlendag̵an dan. Ne puun dutun te andew te kebpatey ni Esteban, is menge tumutuu, ebpemesipelahan en sikandan te menge punuan he menge Hudiyu ziyà te Hiruselim, ne mibpemelag̵uy zan ne nekedsusuwey zan diyà te tivuuk he prubinsya he Hudiya wey Semarya. Iyan dà wazà mekepelag̵uy is menge epustul.