Juan 16:20 - Manobo Western Bukidnon

²⁰ Utew venar is egkeg̵iyen ku keniyu he is menge kuntada ku, igkelipey zan utew is egkehitavù kedi, iyan, sikiyu, ebpekesineg̵ew kew su egkeseeng kew. Iyan, egkeilisan is kegkeseeng niw te zekelà he kelipey.

Juan 16:20 Кръстосани препратки

Mateo 21:38

Iyan, hein naahà dutun te impemeelima zin te perasan haazà is anak din, migkag̵i zan te, ‘Na, iyan en heini sikan is anak din; kuwa kew en su edhimetayan tew ne egkeangken tew en heini is perasan din.’

Mateo 5:4

Utew zeyzey sikandan is ibmesakit te g̵ehinawa zan is mezaat he ulaula su edlenganen sikandan te Megbevayà.

Marcos 14:72

Ne zutundutun mid-ukarà is manuk te ikezuwa ne human metenuzi ni Pedro sikan is migkag̵i kandin ni Jesus he ke sikandin te, “Te kenè pe kan ed-ukarà is manuk te kezezuwa, ne ketetelu ke en ebpekekag̵i he kenà a kenikew egkekilala.” Ne zutun nekelelendag si Pedro su utew mibmesakit is gehinawa zin.

Marcos 16:10

Ne heini si Maria, mibeyaan din is menge sumusundan ni Jesus. Ebpemenineg̵ew he egkengeseeng haazà is menge sumusundan ni Jesus tenged te kedhimetayi ki Jesus.

Lucas 22:45

Ne mid-engked si Jesus is ed-ampù ne midhitindeg ne midlikuan din is menge sumusundan din. Ne langun dutun te menge sumusundan din, ne nemekelipezeng su utew zan mibmeluya tenged te kegkeseeng dan.

Lucas 22:62

Ne zutun mid-awà si Pedro zutun te menge etew ne nekelelendag is edsineg̵ew.

Lucas 23:27

Ne zutun te ked-uwita zan ki Jesus, utew mezakel is menge etew he nemenduma. Ne zuen dutun menge vahi he ebpemenlelendag su edsineg̵awan dan si Jesus.

Lucas 24:17

Ne migkag̵i si Jesus diyà te kandan te, “Hengkey is edhisgutan niw te edhipanew?” Ne neketeren dan dutun ne egkeahà diyà te kebuvuked dan he utew zan egkeseeng.

Lucas 24:21

Ne netag̵ù diyà te g̵ehinawa zey he iyan en pezem sikandin kes midsug̵ù te Megbevayà he edlibri te langun he kevuwazan ni Israyil, iyan, seled en guntaan te tetelu he kezukileman is kedhimetayi kandin.

Lucas 6:21

Utew kew zeyzey is egkengevitil g̵untaan su ebpekehentayen kew keuzemà te Megbevayà! Utew kew zeyzey is egkengeseeng guntaan su egkengelipey kew keuzemà.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 16:6

kekenà, utew kew egkengeseeng tenged te migkag̵i ku keniyu is egkengeantus niw he kemeresayan keuzemà.

Juan 20:20

Ne zutun impeehè din kandan is menge palì diyà te menge velad din wey ziyà te tengkilizan din. Ne utew nengelipey is menge sumusundan te kebpaahà kandan te Nengazen.

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Ruma 5:11

Ne kenà duen dà taman su utew zekelà is kelipey ta tenged te g̵ag̵ew kenita te Megbevayà he impeehè din pinaag̵i te Nengazen tew he si Jesu Kristu, ne pinaag̵i zaan kandin nehimu ki en he emig̵u te Megbevayà.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

1 Tiselunika 1:6

Ne sikiyu zaan, mid-iringan niw is mid-ulaula zey wey is mid-ulaula zengan te Nengazen tew he si Jesus su midawat niw is Lalag te Megbevayà minsan nekeag̵i kew te kemeresayan tenged te kedawat niw. Ne minsan pa te nerasey kew, nelipey kew zed tenged te ked-ulini keniyu te Wag̵as he Mulin-ulin.

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.

Impezayag 11:10

Utew igkelipey te menge etew is kedhimetayi zutun ne edsilibrahan dan ne ebpevegbeg̵ayà is kada sevaha kandan te menge g̵asa. Umba edsilibrahan dan su haazà is dezuwa he ebpeneuven te Megbevayà, mibeelan dan is ingkengerasey te menge etew ziyà te kelibutan.

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’