Juan 16:10 - Manobo Western Bukidnon

¹⁰ Ibpesavut din kandan is metazeng he ibayà su ed-ulì ad diyà te Amey ku ne kenè e en egkeahà keniyu.

Juan 16:10 Кръстосани препратки

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Juan 16:5

Iyan, guntaan ed-ulì ad diyà te Amey ku he midsug̵ù kedì. Ne wazà sevaha keniyu he ed-insà kedì ke hendei a ebpevayà,

Juan 3:14

Ne mid-uman megkag̵i si Jesus te, “Dengan te kemulu pa ensi Moises diyà te tanà he wazà duen ed-ubpà he etew mibeelan din is uled he g̵alang ne intaud din te kayu ne imbayew zin. Siak is Kakey te Menusiyà, iring din ded daan is egkehitavù kedì keuzemà su idtaud a zaan te kayu ne ibayew a.

Juan 5:32

Iyan, selakew is ebpenistig̵us te menge vaal ku. Iyan is Amey ku ebpenistig̵us kediey, ne netuenan ku he egkeserig̵an is kebpenistig̵us din.

Juan 7:33

Ne migkag̵i si Jesus te, “Kenè en utew egkeug̵et ne ed-ewaan ku sikiyu su ed-ulì a ziyà te Megbevayà he midsug̵ù kedì.

Nengeulaula 17:31

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Ruma 1:17

Su pinaag̵i te Meupiya he Tudtulanen ibpetuenan kenitew te Megbevayà is paag̵i wey kiw zin meisip he metazeng. Ne heini is paag̵i, ne pinaag̵i te kedtuu zà. Su zuen insurat he Lalag te Megbevayà he edhenduen te, “Is etew he nehimu he metazeng pinaag̵i te kedtuu zin, ne iyan ebeg̵ayan te untung he wazè din pidtemanan.”

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Gelasya 5:5

Iyan, sikami mulà, pinaag̵i te g̵ehem te Wag̵as he Mulin-ulin wey tenged te kedtuu zey kandin, iyan ebpeebuten dey is kedhimuwa kenami he metazeng te Megbevayà.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin