Juan 16:1 - Manobo Western Bukidnon

¹ “Umba migkag̵i ku keniyu heini is langun,” ke si Jesus, “su wey kenà mehugkà is kedtuu niw kediey te egkehitavù keniyu keuzemà.

Juan 16:1 Кръстосани препратки

Mateo 13:21

Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Mateo 13:57

Ne tenged kayi wazè dan medtuu kandin. Ne zutun migkag̵i sikandin diyà te kandan te, “Is ebpeneuven te Megbevayà, kenà sikandin edtehuzen te menge etew ziyà te keugelingen din he inged; iyan, diyà te menge zuma he inged edtehuzen mulà sikandin,” ke si Jesus.

Mateo 24:10

Dutun he timpu, mezakel is egkepenulayan ne ibpalad te kada sevaha zutun is duma zin he tumutuu wey mehimetayi ne ebpekunkuntedehè dan.

Juan 15:11

Umba migkag̵i ku keniyu heini is langun su wey niw ikelipey is kediey he kelipey ne wey kew utew melipey.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Ruma 14:21

Ne iyan meupiya he ulaula is kenè ki egkaan te egkeenen he kunaan te zuma ke indawey, ne kenè ki ed-inum te vinu, wey kenè ta ed-ul-ulahan is minsan hengkey emun pinaag̵i zutun egkepenulayan is minsan hentei.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.