Juan 15:26 - Manobo Western Bukidnon

²⁶ Ne mid-uman megkag̵i si Jesus te, “Is Menenavang he ebpuun te Amey ku, edsug̵uen ku zini te keniyu. Iyan sikandin sikan is Wag̵as he Mulin-ulin he ebpenurù te tutuu he edtuuwan. Ne emun ebpekeuma en dini te kelibutan, ibpesavut din ke hentei a.

Juan 15:26 Кръстосани препратки

Lucas 24:49

Ne edsug̵uen ku zini te keniyu is Wag̵as he Mulin-ulin he impesarig te Amey ku he Megbevayà. Iyan, dini kew tag̵ad te inged he Hiruselim taman te kenè kew pa egkevulusan te g̵ehem din he ebpuun te langit.”

Juan 14:26

Ne edsug̵uen te Amey ku zini te keniyu is Menenavang he ed-ilis kediey. Iyan sikandin sikan is Wag̵as he Mulin-ulin ne ibpenurù din keniyu is langun, ne ibpetenuzan din keniyu is langun he migkag̵i ku keniyu.

Juan 16:7

Ne minsan pa kayi, benar iyan is egkeg̵iyen ku he igkezeyzey niw is ked-ewai ku keniyu su emun kenè ku sikiyu ed-ewaan, kenà ebpekehendini te keniyu is Menenavang. Ne emun ed-awà a, edsug̵uen ku sikandin dini te keniyu.

Juan 8:42

Ne migkag̵i kandan si Jesus te, “Angin pezem ke amey niw is Megbevayà su mahal a g̵eina ziyan te g̵ehinawa niw su te kedhendini ku, diyà a ebpuun te kandin. Kenà kediey zà he suat is kedhendini ku, kekenà, midsug̵ù e zin.

Nengeulaula 1:4

Ne sengeandew te netig̵um dan, migkag̵i zin kandan he, “Kenè kew med-awà dini te inged he Hiruselim, kekenà, medtag̵ad kew taman te kenè pa ibeg̵ey keniyu kes impenaad te Amey tew he Megbevayà. Nekag̵i ku en heini keniyu he zaan.

Nengeulaula 15:8

Ne is Megbevayà, impeehè din kenitew is kedewata zin te kenà menge Hudiyu su imbeg̵ey zin kandan is Wag̵as he Mulin-ulin iring te kebeg̵aya zin dini te kenitew. Nesayud sikandin te minsan gehinawa tew te menusiyà.

Nengeulaula 5:32

Ne sikami, ebpeketistig̵us key he nengeulaula heini is langun. Ne ebpirmahan daan heini te Wag̵as he Mulin-ulin su mibpeulinan kandin te Megbevayà is langun he edtuman te menge sug̵ù din.”

1 Kurintu 1:6

Ne utew en midmezesen is kedtuu niw te impesavut dey keniyu mehitenged ki Kristu.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.